بالی بلاک کے اسپورٹس سکریٹری بنائے جانے پر امتیاز انصاری کو استقبالیہ

ہوڑہ :متعدد اسکولوںمیں بچوںکو کراٹے کی ٹریننگ دینے اور سماجی کام کرنے والے امتیا ز انصاری کوبالی بلاک کے اسپورٹس صدر بنائے جانے پر امتیاز انصاری کو شاندار استقبالیہ دیا گیا۔ اس سلسلے میں یہاں ایک تقریب کا اہتمام کیا گیا جس میں آئی این ٹی ٹی یو سی کے ہوڑہ ضلع کے جنرل سکریٹری ٹنکو مکھرجی یہاں مہمان خصوصی کے طور پر موجود تھے۔ ان کے علاوہ اس موقع پرابھجیت بنرجی اور بدر الدضیٰ انصار ی ، تاڑک ساہا اور دیگر سماجی شخصیتیں موجود تھیں۔بالی بلاک اسپورٹس سیل کے صدر منتخب کئے جانے پر یہاں پھولوں کا ہار پیش کرکے ان کا استقبال کیا گیا۔انہیں پھولوں کا ہار پیش کرنے والوں میں ٹنکو مکھرجی ، بدرالدضی انصاری ، ابھیجیت بنرجی،محمد اسماعیل، عطاءمحمد ، بیرو خان ، وسیم اختر ، شیخ محمد عرفان، شامل تھے۔اس موقع پر انہیں مبارک باد پیش کرتے ہوئے بدرالدجی انصاری نے کہا کہ گھسڑی علاقے میں رہنے والے امتیاز انصاری جو خود ایک کھلاڑی کے حیثیت سے نیتا جی انڈور اسٹیڈیم میں بنگلہ دیش بھوٹان اور دیگر ممالک کو ہرا کر فائنل میں پہنچ گئے تھے لیکن وہاں انہیں ملائشیا کی ٹیم سے شکست ہوگئی۔ انہیں رنرس اپ کا خطاب ملا۔ ان کی جیت کی خوش میں اس وقت کے ریاستی اسپورٹس وزیر لکشمی رتن شکلا نے امتیاز انصاری کو حوصلہ افزائی کی تھی اور کہا تھا کہ اسی طرح محنت کرتے رہو ایک دن کامیابی ضرور ملے گی ۔امیتاز انصاری کی کوشش جاری رہی۔ بعد میں ان کی کارکردگی کو دیکھتے ہوئے ڈاکٹر رانا چٹرجی انہیں بالی بلاک کا اسپورٹس پریسیڈنٹ منتخب کیا۔ نئی ذمہ داری ملنے کے بعد امتیاز انصاری نے کہا اس سے ان کی ذمہ داریوں میں اضافہ ہوگیا ہے۔ وہ اس ذمہ داری کو پورا کرنے میں ہر ممکن کوشش کریں گے۔

Source: Mashriq News service