عمان کی ثالثی میں ہونے والا ایران اور امریکہ کے درمیان بالواسطہ مذاکرات کا تیسرا دور اختتام پذیر ہوگیا ہے۔ عمان اور اٹلی میں ہونے والے پچھلے دو دوروں کی طرح مذاکرات کے اس دور میں بھی ایران کی مذاکراتی ٹیم کی سربراہی، ایران کے وزیر خارجہ سید عباس عراقچی اور امریکی مذاکراتی ٹیم کی سربراہی مشرق وسطی کے لیے امریکی صدر کے خصوصی نمائندے اسٹیو وائٹیکوف نے کی۔ باخبر ذرائع نے آگاہ کیا ہے کہ ایران اور امریکہ کے درمیان بالواسطہ مذاکرات میں پابندیوں کے خاتمے اور جوہری پروگرام پر بات چیت جاری ہے اور ایران دیرپا مفاہمت تک پہنچنے کے لیے تیار ہے۔ ایران اور امریکہ کے تکنیکی اور ماہرین کی ٹیموں کے درمیان بھی مذاکرت ہوئے- ایرانی ٹیم کی سربراہی نائب وزرائے خارجہ مجید تخت روانچی اور کاظم غریب آبادی نے کی جبکہ امریکی ٹیم کی سربراہی محکمہ خارجہ میں پالیسی پلاننگ کے دفتر کے ڈائریکٹر مائیکل اینٹن نے کی- اسلامی جمہوریہ ایران ظالمانہ پابندیوں کے خاتمے اور ایران کے جوہری پروگرام کی پرامن نوعیت کے تعلق سے اعتماد سازی کے لئے اپنے اصولی موقف پر قائم ہے۔

Source: social Media