اسرائیل کے اعلیٰ سفارت کار نے پیر کو امریکی ریاست کولوراڈو میں ہفتے کے آخر میں مظاہرین پر ہونے والے حملے کی مذمت کی ہے اور غزہ میں قیدیوں کی رہائی کا مطالبہ کرتے ہوئے الزام لگایا کہ میڈیا نے اس حملے کو ہوا دی۔ گیڈون سار نے ایکس پر لکھا، "بولڈر، کولوراڈو میں یہودیوں کو نشانہ بنانے والے خوفناک یہود دشمن دہشت گردانہ حملے سے صدمے میں ہوں۔" انہوں نے مزید وضاحت کیے بغیر کہا، "یہ خالص یہود دشمنی ہے جسے میڈیا کی وجہ سے ہوا ملی۔" اسرائیلی اپوزیشن رہنما یائر لاپڈ نے اسے "یہود دشمنی کا ایک اور عمل" قرار دیتے ہوئے کی مذمت کی۔ انہوں نے ایکس پر ایک پوسٹ میں لکھا، "ہم سب کولوراڈو میں پرامن مظاہرین کے خلاف پرتشدد دہشت گردانہ حملے سے خوفزدہ ہیں جو صرف ہمارے قیدیوں کی رہائی کا مطالبہ کر رہے تھے۔" امریکی ریاست کولوراڈو میں اتوار کو متعدد افراد جھلس گئے اور دیگر زخمی ہوئے جسے ایف بی آئی نے احتجاج کرنے والے مظاہرین کے خلاف "ہدفی دہشت گرد حملہ" قرار دیا۔ یہ افراد غزہ میں اسرائیلی قیدیوں کی رہائی کا مطالبہ کر رہے تھے۔

Source: social media