یو اے ای نے یمن میں سعودی مفادات کو نقصان پہنچانے کے الزام کی تردید کر دی

متحدہ عرب امارات نے اس امر کی براہ راست تردید کی ہے کہ اس کی طرف سے کسی یمنی فریق کو فوجی کارروائیاں جاری رکھنے کی ہدایات دی جا رہی ہیں؛ جو سعودی عرب کے لیے نقصان کا باعث بنے۔ متحدہ عرب امارات نے اس تردیدی بیان کے ساتھ ہی اس بات کا بھی پرزور انداز میں اظہار کیا ہے کہ مملکت کی خودمختاری کا امارات کو مکمل احترام ہے۔ بیان میں ان الزامات کی بھی تردید کی گئی ہے جس میں یمن کے حوالے سے ہونے والی حالیہ پیش رفت کے تناظر میں کہا گیا تھا کہ ذمہ داری کے ساتھ چیزوں کو ڈیل کیا جائے اور کشیدگی کو بڑھنے نہ دیا جائے۔ اس سے پہلے منگل ہی کے روز سعودی عرب نے متحدہ عرب امارات کی طرف سے اٹھائے گئے بعض اقدامات پر اظہار مایوسی کیا اور کہا تھا کہ جنوبی یمن میں عبوری کونسل کو سعودی عرب سے جڑے سرحدی علاقوں میں آپریشنز کے لیے کہا گیا تو یہ اقدامات مملکت کی قومی سلامتی کے لیے خطرہ ہوں گے۔ سعودی عرب نے متحدہ عرب امارات سے یہ بھی مطالبہ کیا ہے کہ وہ یمن کی اس درخواست پر عمل کرے اور 24 گھنٹوں کے دوران اپنی فوج کو یمنی علاقوں سے نکالے۔

Source: social media