یمن کی مسلح افواج کے طیاروں نے گذشتہ چند گھنٹوں کے دوران تعز اور صعدہ کے صوبوں کے متعدد علاقوں میں حوثی ملیشیا کے ٹھکانوں، جتھوں، گاڑیوں اور گوداموں کو بم باری کا نشانہ بنایا۔

یہ فضائی حملے تعز کے مشرق میں الحوبان کے مقام پر ایک نو تعمیر شدہ کیمپ میں پہنچنے والی حوثی ملیشیا کی کمک اور عسکری گاڑیوں پر کیے گئے۔
اسی طرح طیاروں نے صعدہ کے شمال میں مران اور ساقین میں حوثی ملیشیا کے ٹھکانوں اور گاڑیوں پر کئی فضائی حملے کیے۔

ان فضائی حملوں کے نتیجے میں میدانی کمانڈروں سمیت بڑی تعداد میں ارکان ہلاک اور زخمی ہوئے، جبکہ ایک کمانڈ سینٹر، اسلحہ کے گودام اور عسکری گاڑیاں تباہ ہو گئیں۔

گذشتہ روز ہفتے کو بھی یمن کی مسلح افواج کے طیاروں نے صوبہ تعز کے متعدد علاقوں میں حوثی ملیشیا کے ٹھکانوں، جتھوں اور گاڑیوں کو نشانہ بنانے کے لیے بم باری کی تھی۔

ان فضائی حملوں میں تعز کے شمال میں مفرق ماویہ اور الاکبوش میں حوثی ملیشیا کے ٹھکانوں اور شارع الستين پر ملیشیا کی کمک کے ایک قافلے کو نشانہ بنایا گیا۔

مزید برآں ان فضائی حملوں میں صوبہ اِب کی تحصیل المخادر میں حوثی ملیشیا کے ٹھکانوں کو بھی نشانہ بنایا گیا۔