بھیوانی: کامن ویلتھ گیمز گلاسگو میں بھارت کی بیٹیوں نے شاندار کارکردگی کا مظاہرہ کرتے ہوئے تاریخ کے سنہرے صفحات میں اپنا نام درج کروا لیا ہے۔ 'منی کیوبا' کے نام سے مشہور ہریانہ کے ضلع بھیوانی کی چاروں مکے باز (باکسر) بیٹیوں نے اپنے اپنے ویٹ کیٹیگری میں سونے کے تمغے جیت کر ملک کا سر فخر سے بلند کر دیا ہے۔یہ پہلا موقع ہے جب ایک ہی علاقے کی چار بیٹیوں نے ایک ساتھ کامن ویلتھ گیمز میں گولڈ میڈل حاصل کیے ہیں۔ اس تاریخی کامیابی پر بھیوانی، ہریانہ اور پورے ملک میں جشن کا ماحول ہے اور ہر طرف ان 'گولڈن گرلز' کے چرچے ہو رہے ہیں۔ بھارتی فوج میں سوبیدار کے عہدے پر فائز جاسمین لمبوریا سمیت چاروں باکسرز نے اپنے فن کا لوہا منواتے ہوئے سنہری کامیابی حاصل کی: جاسمین لمبوریا: 57 کلوگرام زمرے میں گولڈ میڈل ساکشی چوہدری ڈھانڈا: 51 کلوگرام زمرے میں گولڈ میڈل پریتی پنوار: 54 کلوگرام زمرے میں گولڈ میڈل پریا گھنگھس: 60 کلوگرام زمرے میں گولڈ میڈل لخاندانی خوشی اور پرجوش استقبال کی تیاریاںگلاسگو میں بیٹیوں کے سونا جیتنے کی خبر ملتے ہی بھیوانی میں ان کے گھروں اور بھیوانی باکسنگ کلب میں مٹھائیاں بانٹی گئیں اور پٹاخے پھوڑے گئے۔بھیوانی باکسنگ کلب کے صدر کمل پردھان، دڑوناچاریہ ایوارڈی کوچ جگدیش سنگھ، ساکشی کے والد منوج کمار، پریا کے والد مہندر سنگھ، کوچ مہاویر سنگھ، جاسمین کے والد جیویر سنگھ، کوچ و چچا سندیپ لمبوریا، اور پریتی کے والد سومویر سنگھ اور کوچ وینود راجہ نے خوشی کا اظہار کرتے ہوئے کہا کہ"ہماری بیٹیوں نے وہ کر دکھایا جس کا ہر کھیل سائقین کو بے صبری سے انتظار تھا۔ انہوں نے ثابت کر دیا کہ بیٹیاں کسی سے پیچھے نہیں ہیں۔ وطن واپسی پر ان تمام 'گولڈن گرلز' کا شاندار اور تاریخی استقبال کیا جائے گا۔"

Source: Admin