Entertainment

لامین یامال کی دوست کا سوشل میڈیا اکاؤنٹ بلاک کیوں ہوگیا؟

19/07/26

ہسپانوی ماڈل، انفلوئنسر اور اسٹار فٹبالر لامین یامال کی گرل فرینڈ انیس گارسیا کا ٹک ٹاک اکاؤنٹ بلاک ہوگیا۔ غیرملکی میڈیا رپورٹس کے مطابق اسپین کے فٹبالر لامین یامال کی گرل فرینڈ انیس گارسیا نے انسٹاگرام اسٹوری شیئر کرکے بتایا کہ ان کا ٹک ٹاک اکاؤنٹ حیران کن وجہ سے بلاک کردیا گیا تھا۔ انیس گارسیا نے بتایا کہ میرا ٹک ٹاک اکاؤنٹ بلاک کردیا گیا تھا جس کی وجہ سے بہت پریشان تھی، کچھ اپ لوڈ نہیں کرپارہی تھی، اپنے پروفائل تک رسائی بھی حاصل نہیں کرپارہی تھی، کہا گیا کہ میں کم عمر ہوں، میں تو پہلے ہی 21 سال کی ہوچکی ہوں، کچھ تو لحاظ کریں۔ بعدازاں انہوں نے کہا کہ یہ اکاؤنٹ دوبارہ فعال ہوگیا ہے اور میں واپس آگئی ہوں، امید ہے کہ اب طویل عرصے تک مجھے دوبارہ ایسی مشکلات کا سامنا نہیں کرنا پڑے گا۔ واضح رہے کہ فیفا ورلڈ کپ کے سیمی فائنل میں فرانس کو شکست دینے کے بعد اسپین کے کھلاڑیوں کو چند گھنٹوں کی چھٹی دی گئی تاکہ وہ اہلخانہ کے ساتھ وقت گزار سکیں۔ اس دوران لامین یامال اپنی گرل فرینڈ انیس گارسیا اور اپنے چھوٹے بھائی کین کے ساتھ تھے، فٹبالر نے تصویر شیئر کی جس میں تینوں کو خوشگوار موڈ میں دیکھا گیا۔

Source: Admin