International

امریکا کونسا خفیہ آپریشن ایران میں کرنے جا رہا ہے؟ اہم انکشاف

26/07/26

امریکی اخبار نے دعویٰ کیا ہے کہ امریکا ایران سے افزودہ یورینیم قبضے میں لینےکیلئے پیچیدہ فوجی آپریشن پر غور کر رہا ہے۔ نیویارک پوسٹ کے مطابق مجوزہ مشن کیلئے ہزاروں امریکی فوجیوں کی ضرورت پڑ سکتی ہے جس میں ایک چھوٹا اسپیشل آپریشن گروپ جوہری مواد حاصل کر کے منتقل کرے گا۔ ایران نے اصفہان سمیت اپنی تنصیبات کو بارودی سرنگوں سے مزید مضبوط کر لیا ہے اور ایران کے اقدامات کی وجہ سے آپریشن میں کامیابی کا امکان کم ہے۔ ایرانی پاسدارانِ انقلاب نے جوہری پلانٹ پر حملے کا بدلہ لینے کا دعویٰ کرتے ہوئے کہا بحرین میں امریکی کمپنی ایمازون کا ڈیٹا سینٹر اڑا دیا ہے اور حملے میں عمارت ملیا میٹ کردی۔ ایرانی پاسدارانِ انقلاب نے دارخوین جوہری تنصیب پر ہونے والے حملے کا اینٹ کا جواب پتھر سے دیتے ہوئے بحرین میں قائم امریکی ٹیکنالوجی کمپنی ‘ایمازون’ کے ڈیٹا سینٹر کو تباہ کرنے کا دعویٰ کیا ہے۔ پاسدارانِ انقلاب کا کہنا ہے کہ بحرین میں ایمازون کے ڈیٹا سینٹر پر کیے گئے حملے میں عمارت مکمل طور پر ملیا میٹ ہو گئی تاہم، اس حساس معاملے پر بحرین کی حکومت کی جانب سے ابھی تک کوئی باضابطہ بیان جاری نہیں کیا گیا۔ ایران نے اہواز میں کیے گئے حملوں کے ردعمل میں عراق کے اربیل ایئرپورٹ کو ڈرونز سے نشانہ بنایا، اس کے علاوہ کویت، اردن اور بحرین میں قائم امریکی فوجی اڈوں کو بھی نشانہ بنایا گیا ہے۔ بحرین کے شیخ عیسیٰ ایئر بیس پر ایندھن کے ذخائر، گوداموں اور فوجی رہائش گاہوں کو نشانہ بنایا گیا، جبکہ اردن کے الازرق ایئر بیس پر طیاروں کے ہینگر اور امریکی فوجیوں کی رہائش گاہوں پر حملے کیے گئے۔

Source: Admin