National

سیتاپور میں انوکھا پیار: شوہر اور عاشق دونوں کے ساتھ ایک ہی چھت تلے رہنے پر اڑی خاتون، معاملہ تھانے پہنچ گیا

24/08/26

سیتاپور (: عام طور پر جڑواں تعلقات، مثلثی محبت اور بے وفائی کی کہانیاں المناک انجام پر ختم ہوتی ہیں، لیکن اتر پردیش کے ضلع سیتاپور سے ایک ایسا انوکھا معاملہ سامنے آیا ہے عام لوگوں کے ساتھ ساتھ پولیس کو بھی حیران و ششدر کر دیا ہے۔ یہاں ایک خاتون اپنے شوہر اور عاشق دونوں کے ساتھ ایک ہی گھر میں خوش اسلوبی سے رہائش پذیر ہے، اور تعجب کی بات یہ ہے کہ دونوں مردوں کو اس ترتیب پر کوئی اعتراض نہیں۔

یہ واقعہ محمود آباد کوتوالی علاقے کے گاؤں پھلواری پور کا ہے۔

شبھم ورما کی شادی 10 سال قبل انچو ورما سے ہوئی تھی، اور ان کے دو بچے ہیں۔

کچھ عرصے قبل انچو کی زندگی میں امیرا گاؤں کے رہنے والے نتن شرما کی بطور عاشق آمد ہوئی۔

انچو کا کہنا ہے کہ وہ اپنے مانگ میں شوہر اور عاشق، دونوں کے نام کا سندور بھرتی ہے اور دونوں کے ساتھ ہی زندگی گزارنا چاہتی ہے۔

معاملہ اس وقت تھانے پہنچا جب انچو اپنے شوہر، عاشق اور دونوں بچوں کو ساتھ لے کر کوتوالی پہنچی۔ اس نے پولیس سے شکایت کی کہ اس کے سسر اور نند اسے گھر میں رہنے نہیں دے رہے، جبکہ شوہر اور عاشق کو ایک ساتھ رہنے پر کوئی اعتراض نہیں ہے۔
سسرال والوں کی شدید مخالفت کے بعد پولیس نے ان کے بالغ ہونے کے قانونی حق کو تسلیم کرتے ہوئے معاملہ ان کی باہمی رضامندی پر چھوڑ دیا۔ پولیس کی مداخلیت کے بعد سسرال کے گھر سے شبھم اور انچو کا سامان نکلوا کر انہیں سونپ دیا گیا۔ اب یہ انوکھا کنبہ معاشرتی بندشوں سے دور ایک ہی چھت کے نیچے اپنی نئی زندگی بسر کر رہا ہے۔

Source: Admin