National

دہائیوں تک دنیا میں ملک کی نمائندگی کرنے والے سابق سفیر سے بھارت ہی میں شہریت کا ثبوت طلب!

24/08/26

امرتسر : دہائیوں تک دنیا بھر میں بھارت کی سفارتی نمائندگی کرنے والے سابق سینئر سفارت کار نودیپ سوری کو اپنے ہی ملک اور ریاست پنجاب میں اپنی شہریت ثابت کرنے کے لیے دستاویزات پیش کرنے کی ہدایت دی گئی ہے۔ انڈین فارن سروس (IFS) کے سابق افسر اور کئی ممالک میں بھارت کے سفیر رہ چکے سوری کو یہ کڑوا تجربہ ووٹر لسٹ کی خصوصی نظرثانی (SIR) کی مہم کے دوران پیش آیا۔
نودیپ سوری متحدہ عرب امارات (UAE) اور مصر میں بھارت کے سفیر جبکہ آسٹریلیا میں ہائی کمشنر کے اعلیٰ عہدوں پر خدمات انجام دے چکے ہیں۔

امرتسر کے رہائشی سوری نے بطور شہری کارروائی مکمل کرتے ہوئے اپنے بوتھ لیول آفیسر (BLO) کے پاس اپنا ووٹر آئی ڈی اور شناختی دستاویزات جمع کروائیں۔ اس وقت انہیں یقین دہانی کرائی گئی کہ تمام معلومات درست ہیں۔

کچھ ہی عرصے بعد انہیں ایک رضاکار کی طرف سے پیغام موصول ہوا جس میں کہا گیا کہ ان کی تفصیلات 2003 کی ووٹر لسٹ (SIR) سے میل نہیں کھاتیں۔

Source: Admin