National

نئی دہلی کے آئی ٹی او پر سڑک حادثہ: بے قابو کار ڈیوائیڈر توڑ کر دوسری گاڑی سے ٹکرائی، دو ایم ایل ایز سمیت 6 افراد زخمی

24/08/26

نئی دہلی : مرکزی دہلی کے آئی ٹی او ٹریفک سگنل اور پرانے پولیس ہیڈکوارٹر کے قریب اتوار کی رات ایک دردناک سڑک حادثہ پیش آیا۔ لکشمی نگر سے آنے والی ایک تیز رفتار کار اچانک بے قابو ہو کر ڈیوائیڈر اور سڑک کنارے لگی ریلنگ کو توڑتے ہوئے دوسری سمت سے آنے والی انووا گاڑی سے جا ٹکرائی۔ اس حادثے میں دو موجودہ ارکانِ اسمبلی سمیت کل چھ افراد معمولی زخمی ہو گئے۔
پولیس کے مطابق یہ واقعہ رات تقریباً 9:30 بجے پیش آیا جب آئی پی اسٹیٹ پولیس اسٹیشن کو پی سی آر (PCR) کال موصول ہوئی۔

ب 32 سالہ آشتوش پانڈے اپنی بیوی اور دو معصوم بچوں کے ساتھ لکشمی نگر سے آئی ٹی او کی طرف جا رہے تھے کہ ان کی کار ڈیوائیڈر سے جا ٹکرائی۔

دوسری سمت (آئی ٹی او سے لکشمی نگر) جا رہی انووا گاڑی میں دہلی کے کراری سے موجودہ ایم ایل اے انیل جھا اور کرناٹک سے ایم ایل اے ابھے پاٹل سوار تھے۔
اطلاع ملتے ہی پولیس ٹیم موقع پر پہنچ گئی جہاں دونوں گاڑیاں شدید متاثرہ حالت میں ملیں۔ پولیس نے تمام چھ زخمیوں کو فوری طور پر علاج کے لیے لوک نائک جے پرکاش ہسپتال منتقل کیا۔

ابتدائی تحقیقات سے معلوم ہوا ہے کہ گاڑی کے تیز رفتار اور بے قابو ہونے کی وجہ سے یہ حادثہ پیش آیا۔ پولیس کے مطابق تمام زخمیوں کی حالت مستحکم ہے اور مزید قانونی کارروائی جاری ہے۔

Source: Admin