ٹرمپ نے خود کو ‘وینزویلا کا قائم مقام صدر’ قرار دے دیا

واشنگٹن (12 جنوری 2026): امریکی صدر ڈونلڈ ٹرمپ نے وینزویلا پر فوجی حملے کے بعد خود کو اس ملک کا قائم مقام صدر بھی قرار دے دیا ہے۔ وینزویلا پر فوجی حملے اور صدر مادورو کی گرفتاری کے بعد امریکی صدر ٹرمپ نے خود کو وینزویلا کا قائم مقام صدر قرار دے دیا ہے۔ ڈونلڈ ٹرمپ نے اپنے سوشل میڈیا پلیٹ فارم ٹروتھ سوشل پر تازہ ترین پوسٹ میں خود کو ’’وینزویلا کا قائم مقام صدر‘‘ کا درجہ دیتے ہوئے یہ ذمہ داری اٹھانے کی تاریخ کے بجائے صرف جنوری 2026 لکھا ہے۔ امریکی صدر نے اس پوسٹ میں اپنی ایک تصویر کے ساتھ اپنے امریکا کے 45 ویں اور 45 ویں صدر کے طور پر بھی ذکر کیا ہے۔ٹرمپ کی یہ تصویر ان کے ان حالیہ بیانات کے بعد سامنے آئی ہے کہ جن میں انہوں نے کہا کہ امریکا وینزویلا کی قیادت کے ساتھ "واقعی اچھی طرح سے کام کر رہا ہے۔” انہوں نے کہا کہ ہم ‘وینزویلا کی قیادت’ کے ساتھ واقعی اچھی طرح سے کام کر رہے ہیں، اور ہم دیکھیں گے کہ یہ سب کیسے کام کرتا ہے۔” واضح رہے کہ امریکی فوج نے تین جنوری کو علی الصباح وینزویلا پر حملہ کر کے صدر نکولس مادورو اور ان کی اہلیہ کو سیف ہاؤس سے گرفتار کر لیا جن پر اس وقت امریکا میں مقدمہ چل رہا ہے جب کہ وینزویلا پر حملے کے اگلے روز امریکی سیکریٹری آف اسٹیٹ کی جانب سے یہ بیان سامنے آیا تھا کہ وینزویلا کا نظام امریکا چلائے گا۔ تاہم اگلے روز یہ بھی وضاحت سامنے آئی تھی کہ امریکا وینزویلا پر قبضہ کرنا نہیں چاہتا۔

Source: social media