واشنگٹن، 3 ستمبر: امریکہ کے صدر ڈونلڈ ٹرمپ کی تصویر اب امریکی کرنسی پر نظر آئے گی۔ ان کی تصویر ایک ڈالر کے نئے سکے پر نقش کی گئی ہے ، جس کے ساتھ ہی ٹرمپ امریکی تاریخ میں کرنسی پر آویزاں کیے جانے والے پہلے زندہ صدر بن گئے ہیں۔
یہ سکہ بدھ کے روز جاری کیا گیا۔ اس پر ٹرمپ کی تصویر ہے اور اس کے ساتھ "لبرٹی" نیز "اِن گاڈ وی ٹرسٹ" درج ہے ۔
امریکی ٹکسال کے مطابق، ان سکوں کو عام گردش میں نہیں لایا جا رہا ہے ، تاہم انہیں قانونی کرنسی کے طور پر استعمال کیا جا سکتا ہے ۔ ایک ڈالر کی سرکاری قیمت ہونے کے باوجود ان کی فروخت بنیادی طور پر یادگاری اشیاء(کلیکٹبلز)کے طور پر کی جا رہی ہے ۔
ان سکوں کی قیمت 25 سکوں کے ایک رول کے لیے 61 ڈالر اور 100 سکوں کے ایک تھیلے کے لیے 154.50 ڈالر رکھی گئی تھی۔ فروخت شروع ہونے کے چند ہی گھنٹوں بعد امریکی ٹکسال کی ویب سائٹ پر انہیں "فی الحال دستیاب نہیں" بتایا جانے لگا۔ انہیں واشنگٹن ڈی سی میں واقع امریکی ٹکسال کی دکان میں لگی سیلز مشینوں کے ذریعے بھی دستیاب کرایا گیا۔