نئی دہلی 09 جون: دہلی کی ایک عدالت نے پیر کو 26/11 ممبئی دہشت گردانہ حملے کے ملزم تہور رانا کو اپنے اہل خانہ سے فون پر بات کرنے کی اجازت دے دی۔خصوصی جج چندر جیت سنگھ نے ملزم کی عرضی سننے کے بعد رانا کو یہ اجازت دی۔عدالت نے اس سے قبل رانا کی اپنے اہل خانہ سے بات کرنے کی درخواست مسترد کر دی تھی۔گزشتہ ہفتے عدالت نے رانا کی عدالتی تحویل میں توسیع کی تھی، جنہیں ویڈیو کانفرنسنگ کے ذریعے عدالت میں پیش کیا گیا تھا۔ پاکستانی نژاد کینیڈین تاجر تہور رانا (64) مبینہ طور پر 26/11 ممبئی دہشت گردانہ حملے کے ماسٹر مائنڈ ڈیوڈ کولمین ہیڈلی عرف دا¶د گیلانی کا قریبی ساتھی ہے ، جو امریکی شہری ہے ۔ رانا پر ہیڈلی اور نامزد دہشت گرد تنظیموں کے کارندوں کے ساتھ مل کر ممبئی میں دہشت گردانہ حملوں کی سازش کرنے کا الزام ہے ۔ گزشتہ ماہ، امریکی سپریم کورٹ نے رانا کی حوالگی کے خلاف نظرثانی کی درخواست مسترد کر دی تھی اور انہیں ہندوستانی حراست میں بھیجنے کا راستہ صاف کر دیا تھا۔ غور طلب ہے کہ 10 پاکستانی دہشت گردوں کے ایک گروپ نے نومبر 2008 میں بحیرہ عرب میں سمندری راستہ استعمال کرتے ہوئے ممبئی میں داخل ہونے کے بعد ریلوے اسٹیشن، دو لگژری ہوٹلوں اور ایک یہودی مرکز پر مربوط حملہ کیا تھا۔ اس حملے میں تقریباً 166 افراد ہلاک ہوئے تھے ۔

Source: uni news