تنظیم گیت چاندنی کے زیراہتمام ادبی نشست ومشاعرہ کا انعقاد معظم جاہی مارکٹ میں عمل میں آیا۔ آروگیہ اسپتال کے ڈائرکٹرڈاکٹر موہن گپتا اور اطیبب اعجاز نے مہمانان خصوصی کی حیثیت سے شرکت کی۔ ملند پرکاشن کے ڈائریکٹرشروتی کانت بھارتی نے پروگرام کی صدارت کی۔ گیت چاندنی کے ایگزیکٹو ڈائریکٹرگووند اکشے نے بتایا کہ آج کی نشست میں مہیش کمار شرما کی ادارت میں شائع ہونے والے ماہانہ ادبی میگزین، کویتا کنج کے شمارے میں شائع ہونے والے مواد پر حیدرآباد کے باشعور ادیبوں نے اظہارخیال کیا۔ یہ رسالہ راشٹریہ کوی سنگم سنستھا کے زیراہتمام پچھلے 8 سالوں سے شائع ہو رہا ہے۔ ٹھاکر دنیش سنگھ ،ڈاکٹر پرملتا سریواستو ،رتناکلا مشرا ، پونم جودھپوری ، سدھا ٹھاکرنے رسالہ کے مضامین پراظہارخیال کیا۔ خلش حیدرآبادی نے کہا کہ شمالی ہندوستان میں گنگا اور جمنا دریا بہتے ہیں لیکن وہاں گنگا جمونی ثقافت نہیں ہے اور جنوب میں گنگا اور جمنا ندیوں کی عدم موجودگی کے باوجود حیدرآباد میں گنگا جمونی ثقافت پروان چڑھ رہی ہے۔اطیب اعجاز نے کہا کہ آج کے سیمینار میں ناقدین نے بہت درست تجزیے پیش کیے ہیں۔ انہوں نے میگزین میں اچھی نظموں کو جگہ دینے پر ادارتی بورڈ کو مبارکباد دی۔ڈاکٹر موہن گپتا نے کہا کہ حیدرآباد میں گیت چاندنی کے پروگرام فعال طور پر منعقد کیے جاتے ہیں اور اس سے نئے شاعروں کو اسٹیج پر نظمیں پیش کرنے کا موقع ملتا ہے۔ آج حیدرآباد کے شعراءملک بھر کے مشاعروں میں اپنی تخلیقات پیش کر رہے ہیں جو کہ قابل تعریف ہے۔صدارتی کلمات میں شروتی کانت بھارتی نے کہا کہ میگزین کا نام کویتا کنج اچھا اور معنی خیز ہے۔ اس میں شائع ہونے والی نظمیں ذہن کو چھو لینے کی صلاحیت رکھتی ہیں۔ میگزین میں ملک بھر کے شعراءکی نظمیں خوبصورتی سے شائع ہوئی ہیں۔اس موقع پر منعقدہ مشاعرہ میں انیل کمار گپتا، ڈی پریم رااج، خلش حیدرآبادی، گووند اکشے، رتناکلا مشرا، محمد عبدالرشید ارشد، سری پونم جودھپوری،ڈاکٹر پرملتا سریواستو، سدھا ٹھاکر، اطیب اعجاز، ٹھاکر دنیش سنگھ اور شروتی کانت بھارتی نے کلام پیش کیا۔ پروگرام کی کوآرڈینیٹر رتناکلا مشرا نے آخر میں شکریہ ادا کیا۔
Source: social media
ہمایوں کبیر انسٹی ٹیوٹ میں یوم ِ سرسید کے موقع پرمذاکرہ
ہیلتھ اور آنکھ چیک اپ کیمپ کا اہتمام
مولانا مختار احمد ندوی ٹیکنیکل کیمپس میں کامیاب میڈیکل کیمپ
راجابازار میں جمعیة علماء ہند کے زیر اہتمام اصلاح معاشرہ و تحفظ اوقاف کانفرنس
ا سمارٹ فون میں” پانچ ترتیبات ہمیشہ آف رکھنی چاہئیں“
مغربی بنگال میں لا قانونیت کے خلاف کانگریس آئی کا پورے بنگال کے تمام تھانوں کا گھیراؤ
راجابازار میں جمعیة علماء ہند کے زیر اہتمام اصلاح معاشرہ و تحفظ اوقاف کانفرنس
مغربی بنگال میں لا قانونیت کے خلاف کانگریس آئی کا پورے بنگال کے تمام تھانوں کا گھیراؤ
ا سمارٹ فون میں” پانچ ترتیبات ہمیشہ آف رکھنی چاہئیں“
ہمایوں کبیر انسٹی ٹیوٹ میں یوم ِ سرسید کے موقع پرمذاکرہ
مولانا مختار احمد ندوی ٹیکنیکل کیمپس میں کامیاب میڈیکل کیمپ
ہیلتھ اور آنکھ چیک اپ کیمپ کا اہتمام
شعبۂ اُردو،قاضی نذرل یونیورسیٹی میں یک روزہ قومی سیمنار بعنوان "دور حاضر میں سر سید احمد خاں کی فکری معنویت " کا انعقاد
محنت اور جذبۂ صادق سے انسان اعلی مقام حاصل کر لیتا ہے : قاری امتیاز احمد پرتابگڑھی