International

امریکی ایوان نمائندگان میں ایران کیخلاف جنگ روکنے کی قرارداد پھر منظور

23/07/26

واشنگٹن: امریکی ایوان نمائندگان میں ایران کیخلاف جنگ روکنے کی قرارداد پھر منظور ہو گئی۔ امریکی میڈیا کے مطابق ایوان نمائندگان میں قرارداد ٹرمپ کیلئے وارننگ ہے ایران کیخلاف جنگ روکنے کی قرارداد میں 208 کے مقابلے میں 214ووٹ سے منظور ہوئی۔ چار ری پبلکن ارکان نے قرارداد کے حق میں ڈیموکریٹس کا ساتھ دیا۔ قرارداد میں کہا گیا ہے کہ جنگ کا کوئی واضح مقصد یا حکمت عملی اور کوئی حتمی نتیجہ سامنے نہیں آیا۔ سینیٹ میں بھی آج ہی اسی نوعیت کی قرارداد پر رائے شماری ہو گی۔ ایوان کے فلور پر قرارداد کی قیادت کرنے والی ایک ڈیموکریٹ، واشنگٹن کی نمائندہ پرامیلا جے پال نے کہا کہ جنگ کا "کوئی واضح مشن، کوئی حکمت عملی، کوئی حتمی مقصد نہیں ہے”۔ مٹھی بھر ریپبلکنز نے جنگ کے خاتمے کے لیے ڈیموکریٹس کے ساتھ ووٹ دینے کے بعد یہ قرارداد بڑی آسانی سے منظور کر لی۔ لیکن ریپبلکنز کی اکثریت نے جنگ کی حمایت اور کانگریس کے جنگی اختیارات ٹرمپ کو دینے کے حق میں ووٹ دیا۔ ٹرمپ نے اصرار کیا ہے کہ ایران کے خلاف امریکی حملوں کا مطلب جنگ کی طرف واپسی یا طویل مدتی کارروائی نہیں ہے۔

Source: Admin