National

دلہن بنی ڈاکٹر اپنی شادی چھوڑ کر مریض کا علاج کرنے جا پہنچی

23/08/26

ڈاکٹروں کو انسانیت کا مسیحا کہا جاتا ہے اور ایک خاتون ڈاکٹر نے اپنی شادی میں اس کی عملی مثال پیش کر کے دکھائی۔

میڈیا کے مطابق ریاست کیرالا کے پَنور شہر میں ایک شادی کی تقریب چند گھنٹوں میں تیزی سے وائرل ہوئی ہے، جس کی وجہ اس تقریب میں انسانی خدمت کی اعلیٰ مثال قائم کیے جانا ہے۔

یہ شادی کی تقریب ڈاکٹر شیریں اور ڈاکٹر رضا کی تھی، جس میں جاری تقریب کے دوران اچانک کیٹرنگ کا کام کرنے والی دو لڑکیوں کی طبیعت خراب ہو گئی۔

ایک لڑکی کی ناک سے خون بہنے لگا جب کہ دوسری چکر آنے کے باعث گر پڑی۔ اسٹیج پر موجود دلہن نے جب یہ حالت دیکھی تو وہ شادی کی رسومات روک کر فوری ان لڑکیوں کے پاس پہنچیں اور طبی امداد فراہم کی۔

دلہن بنی ڈاکٹر نے تقریباً 15 منٹ تک دونوں کو ابتدائی طبی امداد دی۔ جب ان دونوں کی طبیعت بہتر ہوئی تو دلہن دوبارہ اسٹیج پر گئی اور رسومات کا دوبارہ آغاز ہوا۔

دلہن کے اس اقدام کی نہ صرف دولہا ڈاکٹر رضا بلکہ ان کے خاندان اور شادی میں شریک مہمانوں نے بھی تعریف کی اور ان کے جذبے کو سراہا۔

Source: Admin