National

بارامتی میں این سی پی لیڈر روہت پوار کے پی اے کی بیٹی کی مشکوک موت، لاش برآمد

23/08/26

مہاراشٹر کے ضلع پونے کے بارامتی علاقے سے ایک بے حد دکھد واقعہ سامنے آیا ہے، جہاں این سی پی (شراد چندر پوار) کے ایم ایل اے روہت پوار کے پرسنل اسسٹنٹ (PA) کی بیٹی کی لاش برآمد ہوئی ہے۔ پولیس کے مطابق، معاملے کی تفتیش جاری ہے اور تمام ممکنہ زاویوں سے کیس کی جانچ کی جا رہی ہے۔
اطلاعات کے مطابق، متوفیہ این سی پی لیڈر روہت پوار کے پی اے اجیت دشاوتارے کی بیٹی تھی۔ ذرائع کے حوالے سے بتایا گیا ہے کہ ہفتے کے روز کسی بات کو لے کر لڑکی کا اپنی والدہ کے ساتھ معمولی تنازع ہوا تھا، جس کے بعد وہ غصے میں گھر سے باہر نکل گئی۔

جب وہ کافی دیر تک واپس نہیں لوٹی تو تشویش میں مبتلا اہل خانہ نے پولیس سے رابطہ کیا اور گمشدگی کی شکایت درج کرائی۔
اتوار کی صبح بارامتی کے روئی گاؤں کے سائی نگر علاقے میں لڑکی کی لاش اس کے گھر کے قریب سے ہی برآمد ہوئی۔ اطلاع ملتے ہی پولیس کی ٹیم موقع پر پہنچی اور لاش کو تحویل میں لے کر بارامتی گورنمنٹ میڈیکل کالج اینڈ ہسپتال پوسٹ مارٹم کے لیے بھیج دیا۔پولیس کا کہنا ہے کہ پوسٹ مارٹم رپورٹ انے کے بعد ہی موت کی اصل وجہ کا پتہ چل سکے گا۔ فی الحال پولیس ہر پہلو سے معاملے کی چھان بین کر رہی ہے۔

Source: Admin