Entertainment

سنیتا آہوجا نے گووندا سے طلاق کا مقدمہ واپس لے لیا

19/08/26

بالی ووڈ کے لیجنڈ اداکار گووندا کی اہلیہ سنیتا آہوجا نے طلاق کا مقدمہ واپس لے لیا، اداکار کی ٹیم نے تصدیق کردی۔

ممبئی کی فیملی کورٹ آمد کے بعد گووندا کے منیجر نے تصدیق کی کہ 59 سالہ سنیتا آہوجا نے اپنا طلاق کا مقدمہ واپس لے لیا ہے۔

میڈیا رپورٹ کے مطابق سنیتا آہوجا فیملی کورٹ میں بیٹے یشوردھن آہوجا کے ہمراہ دیکھی گئیں، جس کے بعد اُن کی شادی شدہ زندگی سے متعلق نئی قیاس آرائیاں سامنے آئیں۔

اس معاملے پر پاپارازی نے سنیتا آہوجا سے عدالت آمد کی وجہ سے متعلق دریافت کیا تو انہوں نے مسکراتے ہوئے جواب دیا ’ برتھ ڈے منانے آئی تھی‘۔

میڈیا رپورٹ کے مطابق تاحال تشویش کی کوئی بات نہیں، گووندا کے منیجر ششی سنہا نے کہا کہ سب لوگ ڈر کیوں رہے ہیں؟ سنیتا جی نے اپنا کیس واپس لے لیا ہے، یہ خوشی کی بات ہے۔

عدالت میں سنیتا کے سخت رویے پر ششی نے جواب دیا کہ ’وہ اتنے غصے میں نظر آئیں تو سب نے سمجھا ہوگا کہ کوئی مسئلہ ہوا ہے لیکن اب جوڑے کے درمیان سب کچھ ٹھیک ہے۔

ذرائع کے مطابق سنیتا آہوجا نے 5 دسمبر 2024ء کو فیملی کورٹ میں ہندو میرج ایکٹ کے تحت بے وفائی، بدسلوکی اور علیحدگی کو بنیاد بناتے ہوئے طلاق کی درخواست دائر کی تھی۔

گووندا اور سنیتا آہوجا 19987ء میں رشتہ ازدواج میں منسلک ہوئے تھے، اُن کے 2 بچے 37 سالہ ٹینا آہوجا اور 29 سالہ ریشوردھن ہیں۔

Source: Admin