سعودی عرب کی قیادت میں قائم فوجی اتحاد نے یمن میں حوثیوں کے زیرِ قبضہ علاقوں میں بڑے پیمانے پر فضائی حملے کرتے ہوئے 136 فوجی اہداف تباہ کرنے کا دعویٰ کیا ہے۔
سعودی حکام کے مطابق ان حملوں کا مقصد ایران کے حمایت یافتہ حوثیوں کی بیلسٹک میزائل داغنے کی صلاحیت کو کمزور اور تباہ کرنا ہے۔
سعودی فوج کے ایک ترجمان نے بتایا کہ یمن میں حوثیوں کے ٹھکانوں کو متعدد فضائی حملوں میں نشانہ بنایا گیا۔ سعودی اتحاد نے ان کارروائیوں کو ایک بڑے فوجی آپریشن کا حصہ قرار دیا ہے۔
حوثیوں سے وابستہ ٹی وی چینل المسیرہ کے مطابق سعودی حملوں میں یمن کے شمال مغربی صوبے صعدہ کے مختلف علاقوں کو نشانہ بنایا گیا ہے۔
یہ حملے ایسے وقت میں کیے گئے ہیں جب سعودی عرب کے مطابق جمعرات کو حوثیوں کے ایک میزائل حملے میں ریاض کے بین الاقوامی ہوائی اڈے پر تین افراد ہلاک ہوئے تھے۔ دوسری جانب حوثی میڈیا نے صنعا کے ہوائی اڈے پر سعودی حملوں میں دو افراد کی ہلاکت کی اطلاع دی ہے۔
سعودی فوج کے ترجمان نے مزید کہا کہ سعودی لڑاکا طیارے یمن کی بین الاقوامی طور پر تسلیم شدہ حکومت کی فورسز کو فضائی مدد بھی فراہم کر رہے ہیں۔
سعودی فوجی اتحاد نے کہا ہے کہ یمن میں حوثیوں اور ان کی صلاحیتوں کو تباہ کرنے کے لیے وسیع پیمانے پر کارروائیاں کی جارہی ہیں۔...
Source: Admin
Comment
Your View
We'd love to hear your perspective on this article. Join the conversation and share your thoughts below!
Post your comment
0 CommentsNo comments