ٹرمپ نے پوتین کی امن کی خواہش کا غلط اندازہ لگانے کا اعتراف کرلیا

امریکی صدر ٹرمپ نے حال ہی میں روسی صدر ولادیمیر پوتین کو یوکرین میں جنگ ختم کرنے پر مجبور کرنے کی اپنی صلاحیت پر شکوک کا اظہار کیا ہے۔ انہیں یہ اعتراف کرنا پڑا ہے کہ انہوں نے پوتین کے امن کے ارادوں کا غلط اندازہ لگایا تھا۔ ویب سائٹ "ایکسوس" کے ذرائع نے بتایا ہے کہ ٹرمپ نے اپنے قریبی ساتھیوں کے سامنے اعتراف کیا ہے کہ انہوں نے پوتین کی امن کی خواہش کا غلط اندازہ لگایا تھا۔ امریکی صدر نے یوکرین میں جنگ کے تناظر میں روس پر نئی پابندیاں عائد کرنے کا امکان دوبارہ ظاہر کیا ہے اور اس کے لیے دو شرائط رکھی ہیں۔ پہلی یہ کہ شمالی بحر اوقیانوس کا اتحاد بھی اسی طرح کا قدم اٹھائے اور دوسری یہ کہ نیٹو کے کے رکن ممالک چین پر کسٹم ڈیوٹی عائد کریں۔ انہوں نے "ٹروتھ سوشل" پر ایک پوسٹ میں کہا کہ جب نیٹو ممالک روس کا تیل خریدنا بند کر دیں گے تو میں روس پر بڑی پابندیاں عائد کروں گا۔ جب تمام نیٹو ممالک ایسا کرنے پر متفق ہوں گے تو وہ ماسکو پر یہ پابندیاں عائد کرنے کے لیے تیار ہیں۔ امریکی صدر ٹرمپ نے ایک روز قبل "فاکس نیوز" کو دیے گئے ایک انٹرویو میں اعلان کیا تھا کہ ان کا روسی صدر پوتین پر سے صبر ختم ہو رہا ہے۔ انہوں نے یہ بھی کہا تھا کہ ان کے پاس بینکوں اور تیل پر پابندیاں اور مزید کسٹم ڈیوٹیز موجود ہیں جو وہ ماسکو کے خلاف استعمال کر سکتے ہیں۔ ٹرمپ نے اگست میں الاسکا میں اپنے روسی ہم منصب سے ملاقات کی تھی اور اس ملاقات کو بہت مثبت قرار دیا تھا۔ انہوں نے اس وقت پوتین اور یوکرینی صدر زیلنسکی کے درمیان ایک ملاقات کا وعدہ کیا تھا جس میں ان کی شرکت کا امکان بھی شامل تھا۔

Source: Social media