امریکی صدر ڈونلڈ ٹرمپ کا کہنا ہے کہ وینزویلا پر امریکا کا کنٹرول کتنے عرصے تک جاری رہے گا، اس کا فیصلہ وقت ہی کرے گا۔ امریکی اخبار میں آج شائع ہونے والے ایک انٹرویو میں امریکی صدر نے کہا کہ وینزویلا پر امریکی کنٹرول برسوں جاری رہ سکتا ہے۔ دو گھنٹے جاری رہنے والے باس انٹرویو کے دوران جب سوال پوچھا گیا کہ کیا یہ کنٹرول 3 ماہ، 6 ماہ، 1 سال یا اس سے زیادہ عرصے تک جاری رہ سکتا ہے؟ تو صدر ٹرمپ کا کہنا تھا کہ میرا خیال ہے کہ یہ اس سے کہیں زیادہ طویل ہوگی۔ وینزویلا کے حوالے سے بات کرتے ہوئے صدر ٹرمپ نے کہا کہ ہم اسے ایک نہایت منافع بخش طریقے سے دوبارہ تعمیر کریں گے۔ انہوں نے مزید کہا کہ امریکا وینزویلا کا تیل استعمال کرے گا اور وہاں سے تیل حاصل بھی کرے گا۔ اس عمل سے تیل کی قیمتیں کم ہوں گی اور وینزویلا کو مالی مدد فراہم کی جائے گی، جس کی اسے شدید ضرورت ہے۔ صدر ٹرمپ نے یہ بھی کہا کہ اس وقت امریکا وینزویلا میں عبوری صدر ڈیلسی روڈریگز کی حکومت کے ساتھ رابطے میں ہیں اور ان کے ساتھ بہت اچھے تعلقات رکھتا ہے۔ مادورو کے اتحادی امریکا کے ساتھ تعاون کر رہے ہیں۔ صدرٹرمپ نے کہا کہ وہ کسی وقت وینزویلا جانا چاہیں گے۔ انہیں لگتا ہے کسی وقت یہ محفوظ ہو جائے گا۔ انٹرویو کے دوران صدر ٹرمپ نے کئی موضوعات پر گفتگو کی جن میں منیپولس میں ICE کی فائرنگ سے ہونے والی ہلاکت، امیگریشن، روس-یوکرین جنگ، گرین لینڈ اور نیٹو، اپنی صحت، اور وائٹ ہاؤس میں مزید تزئین و آرائش کے منصوبے شامل تھے۔ واضح رہے کہ منگل کے روز صدر ٹرمپ نے ایک منصوبے کا اعلان کیا تھا، جس کے تحت امریکا وینزویلا کے اس تیل کو صاف کر کے فروخت کرے گا جو امریکی ناکہ بندی کے باعث وہاں رکا ہوا تھا۔ اس منصوبے کے تحت 50 ملین بیرل تک تیل کو ریفائن اور فروخت کیا جا سکتا ہے۔ یہ اقدام اس بات کا مزید اشارہ سمجھا جا رہا ہے کہ گزشتہ ہفتے کے اختتام پر صدر نکولس مادورو کو ایک کارروائی کے دوران گرفتار کیے جانے کے بعد امریکا وینزویلا کی حکومت کے ساتھ قریبی رابطے اور ہم آہنگی میں ہے۔ اس موقع پر صدر ٹرمپ نے وینزویلا کی حکومت کا حوالہ دیتے ہوئے کہا کہ وہ ہمیں وہ سب کچھ فراہم کر رہے ہیں جو ہماری نظر میں ضروری ہے۔
Source: social media
آج شب چاند عین خانہ کعبہ کے اوپر ہوگا
امریکی صدر ٹرمپ کا چینی صدر کو طنز بھرا پیغام
غزہ امن معاہدے پر امریکا، قطر، ترکیہ اور مصر نے دستخط کر دیے
افغانستان میں زلزلے سے سینکڑوں افراد کی ہلاکت کا خدشہ ہے: طالبان حکومت
افغانستان میں زلزلے سے 800 سے زیادہ افراد ہلاک، ہزاروں زخمی
نیپال میں پولیس کی فائرنگ سے 20 مظاہرین ہلاک، 350 زخمی، وزیر داخلہ مستعفی
افغانستان میں زلزلے سے 800 سے زیادہ افراد ہلاک، ہزاروں زخمی
نیپال میں پولیس کی فائرنگ سے 20 مظاہرین ہلاک، 350 زخمی، وزیر داخلہ مستعفی
سلامتی کونسل میں صدر ٹرمپ کے غزہ منصوبے کی حمایت میں قرارداد منظور
گوگل کا اسرائیلی پروپیگنڈا کو فروغ دینے کیلیے کروڑوں ڈالر کا معاہدہ