امریکی صدر ڈونلڈ ٹرمپ نے سابق صدر بارک اوباما اور ان کی اہلیہ کی تضحیک آمیز ویڈیو شیئر کردی۔ ڈونلڈ ٹرمپ نے اپنے سوشل میڈیا پلیٹ فارم پر ایک ویڈیو شیئر کی جسے نسل پرستانہ قرار دیا جا رہا ہے۔ اس ویڈیو میں سابق صدر بارک اوباما اور سابق خاتونِ اول مشعل اوباما کو جنگل میں بندروں کے روپ میں دکھایا گیا، جس پر ملک بھر میں شدید مذمت سامنے آئی ہے۔ مختصر ویڈیو کے اختتام پر اوباما جوڑے کی تصاویر اچانک نمودار ہوتی ہیں، جہاں ان کے چہروں کو بندروں کے جسموں پر فِٹ کیا گیا ہے۔ ویڈیو میں 2020 کے صدارتی انتخابات کے حوالے سے بے بنیاد دعوے بھی کیے گئے ہیں کہ ووٹنگ مشینوں کے ذریعے انتخابی نتائج چرائے گئے۔ ان مناظر کے دوران تقریباً ایک سیکنڈ کے لیے گانا ’’دی لائن سلیپس ٹونائٹ‘‘ بھی چلتا ہے۔ یہ پوسٹ سیاہ فام افراد کو بندروں سے تشبیہ دینے کے قدیم اور توہین آمیز نسل پرستانہ تصور کی یاد دلاتی ہے، جس پر فوری اور سخت ردِعمل دیکھنے میں آیا۔ ری پبلکن سینیٹر ٹِم اسکاٹ، جو سینیٹ میں واحد سیاہ فام ری پبلکن ہیں، نے اس ویڈیو کو کھلے الفاظ میں نسل پرستانہ قرار دیتے ہوئے صدر ٹرمپ سے اسے ہٹانے کا مطالبہ کیا۔ انہوں نے ایکس (سابقہ ٹوئٹر) پر لکھا کہ دعا ہے یہ جعلی ہو، کیونکہ وائٹ ہاؤس سے میں نے اب تک جو سب سے زیادہ نسل پرستانہ چیز دیکھی ہے، یہ وہی ہے، صدر کو یہ پوسٹ فوراً ہٹا دینی چاہیے۔ دوسری جانب وائٹ ہاؤس کی ترجمان کیرولین لیوٹ نے اس ردِعمل کو ’’جعلی غصہ‘‘ قرار دیا ہے۔
Source: social media
آج شب چاند عین خانہ کعبہ کے اوپر ہوگا
امریکی صدر ٹرمپ کا چینی صدر کو طنز بھرا پیغام
غزہ امن معاہدے پر امریکا، قطر، ترکیہ اور مصر نے دستخط کر دیے
افغانستان میں زلزلے سے سینکڑوں افراد کی ہلاکت کا خدشہ ہے: طالبان حکومت
افغانستان میں زلزلے سے 800 سے زیادہ افراد ہلاک، ہزاروں زخمی
نیپال میں پولیس کی فائرنگ سے 20 مظاہرین ہلاک، 350 زخمی، وزیر داخلہ مستعفی
افغانستان میں زلزلے سے 800 سے زیادہ افراد ہلاک، ہزاروں زخمی
نیپال میں پولیس کی فائرنگ سے 20 مظاہرین ہلاک، 350 زخمی، وزیر داخلہ مستعفی
سلامتی کونسل میں صدر ٹرمپ کے غزہ منصوبے کی حمایت میں قرارداد منظور
گوگل کا اسرائیلی پروپیگنڈا کو فروغ دینے کیلیے کروڑوں ڈالر کا معاہدہ