نئی دہلی، 9 اپریل : ہندستان نے بنگلہ دیش کو برآمد کئے جانے والے کارگو کی ٹرانس شپمنٹ کی سہولت واپس لے لی ہے، تاہم ہندوستان کے اس فیصلے کا بنگلہ دیش سے نیپال اور بھوٹان کو ہندوستانی علاقے سے ہونے والی برآمدات پر کوئی اثر نہیں پڑے گا۔ یہاں ایک باقاعدہ بریفنگ میں اس بارے میں ایک سوال کا جواب دیتے ہوئے وزارت خارجہ کے ترجمان رندھیر جیسوال نے کہاکہ "بنگلہ دیش کو دی جانے والی ٹرانس شپمنٹ کی سہولت کچھ عرصے سے ہمارے ہوائی اڈوں اور بندرگاہوں پر بہت زیادہ بھیڑ کا باعث بن رہی تھی۔ ہماری اپنی برآمدات میں رکاوٹ پیدا ہو رہی تھی اور تاخیر اور زیادہ لاگت کی وجہ سے بیک لاگ پیدا ہو رہے تھے، اس لیے منگل کو 8 اپریل میں اس فیس کو واپس لے لیا گیا ہے۔ " مسٹر جیسوال نے واضح کیا کہ ان اقدامات کا ہندوستانی علاقے سے نیپال یا بھوٹان کو بنگلہ دیش کی برآمدات پر کوئی اثر نہیں پڑے گا۔ ہندوستان کی طرف سے بنگلہ دیش تک منتقلی کی سہولت کے تحت بنگلہ دیش کو ہندوستانی بندرگاہوں اور ہوائی اڈوں کے ذریعے ہندوستانی زمینی کسٹم اسٹیشنوں کا استعمال کرتے ہوئے تیسرے ممالک کو برآمد شدہ کارگو لے جانے کی اجازت دی گئی۔ بنگلہ دیش کی عبوری حکومت کے چیف ایڈوائزر محمد یونس کے چین کے دورے کے دوران دریائے تیستا کے پانی کے معاہدے کے معاملے پر رد عمل ظاہر کرتے ہوئے مسٹر جیسوال نے کہاکہ "ہندوستان اور بنگلہ دیش 54 دریا بانٹتے ہیں، جن میں گنگا اور تیستا دریا بھی شامل ہیں۔" جوائنٹ ریور کمیشن" کے نام سے ایک ادارہ جاتی ڈائیلاگ میکنزم موجود ہے جس سے متعلقہ مسائل پر بات چیت کی جا سکتی ہے۔"

Source: social media