میونخ سیکیورٹی کانفرنس کے لیے ایرانی وزیر خارجہ کا دعوت نامہ منسوخ کر دیا گیا

دنیا کے دفاعی اور سلامتی سے متعلق امور پر بین الاقوامی رابطے اور تبادلہ خیال کے اس فورم' سیکیورٹی کانفرنس' کے میونخ میں متوقع انعقاد کے موقع پر ایرانی شرکت روک دی گئی ہے۔ ایران کی شرکت روکنے کے لیے ایرانی وزیر خارجہ عباس عراقچی کو دی گئی دعوت جمعہ کے روز منسوخ کر دی گئی ہے۔ یہ فیصلہ سیکیورٹی کانفرنس کے منتظمین نے ایران مئں جاری مظاہروں کے دوران پر تشدد واقعات کے خلاف ردعمل کے اظہار کے لیے کیا ہے۔ آیران کو اس اہم بین الاقوامی کانفرنس میں شرکت کی دعوت کئی ہفتے قبل دی گئی تھی۔ لیکن اب جمعہ کے روز شرکت کی ایران کو دی گئی دعوت واپس لے لی گئی ہے۔ تاکہ ایران میں مظاہرین کے خلاف ایرانی حکام کی پر تشدد کارروائیوں پر اظہار ناراضی کیا جاسکے۔ اس سلسلے میں ایران کو باضابطہ آگاہ بھی کر دیا گیا ہے۔ یاد رہے سیکیورٹی ، سٹریٹجی اور پالیسیز سے متعلق اہرین اگلے ماہ 13 سے 15 فروری تک اکٹھے ہونے والے ہیں۔ جس میں سیکیورٹی کے ماہرین کے علاوہ تذویراتی ماہرین اور سفارتی نمائندے اور پالیسی ساز شریک ہوں گے۔ انتظامات کو حتمی شکل دینے اور شرکاء کی فہرست کو فائنل کرنے کے سلسلے میں جرمنی نے ایران کو دعوت دینے کی مخالفت کی۔ جرمنی کی طرف سے کہا گیا ہے کہ ایران میں حالیہ دنوں میں ہی ہزاروں مظاہرین کو ہلاک کیا گیا ہے ۔ اس لیے اسے سیکیورٹی کانفرنس میں شریک ہونے کا موقع دینا درست نہ ہو گا۔

Source: social media