Entertainment

اہلیہ سنیتا مجھے پیار سے گالیاں دیتی ہیں، گووندا کا انکشاف

11/08/26

بالی ووڈ کے نامور اداکار گووندا کا کہنا ہے کہ اہلیہ سنیتا آہوجا مجھے پیار سے گالیاں دیتی ہیں اور میں کھا بھی لیتا ہوں۔

بھارتی میڈیا کو دیے گئے حالیہ انٹرویو میں اداکار گووندا نے شادی شدہ زندگی اور شوبز کے سفر کے حوالے سے اظہار خیال کیا ہے۔

اداکار نے اہلیہ سنیتا آہوجا کے ساتھ اپنے تعلق اور ان کے کردار کو سراہتے ہوئے کہا کہ اہلیہ سنیتا مجھ سے بہت محبت کرتی ہیں۔

گووندا نے مزاحیہ انداز میں کہا کہ اہلیہ مجھے اتنے پیار سے گالیاں دیتی ہیں اور میں انہیں کھا بھی لیتا ہوں۔

انہوں نے کہا کہ بہت سی چیزیں ایسی ہوتی ہیں جو ان کہی رہ جاتی ہیں، کچھ باتیں ایسی ہوتی ہیں جنہیں الفاظ میں بیان ہی نہیں کیا جا سکتا۔

ایک سوال کے جواب میں اداکار نے کہا ہے میں 34 سال کی عمر تک اتنا معصوم تھا کہ اب خود بھی سوچتا ہوں کہ میں اتنا معصوم کیوں تھا؟

گووندا نے گفتگو کے دوران اپنی زندگی سے متعلق ایک ایسا جملہ بھی کہا جس نے مداحوں اور سوشل میڈیا صارفین کی توجہ حاصل کی۔

انہوں نے کہا کہ آپ مٹھائی کی دکان میں رہ کر بھی بھوکے نکلیں تو یہ بہت افسوس ناک بات ہے۔

گووندا کے اس بیان کے بعد سوشل میڈیا پر قیاس آرائیاں شروع ہو گئیں اور کئی صارفین نے اسے سنیتا آہوجا کے ان سابقہ بیانات سے جوڑ دیا جن میں انہوں نے شوہر کے مبینہ افیئرز کا ذکر کیا تھا، تاہم گووندا نے براہِ راست یہ واضح نہیں کیا کہ ان کا بیان انہی الزامات کے حوالے سے تھا۔

واضح رہے کہ گووندا اور سنیتا آہوجا نے 1987 میں شادی کی تھی اور سنیتا آہوجا کے حالیہ بیانات کی وجہ سے دونوں خبروں کی زینت بنے رہے ہیں۔