مصری میڈیا کنٹرولنگ سپریم کونسل نے دو خواتین ٹی وی میزبان کو آف ایئر کر دیا

مصر میں میڈیا قوانین پر عمل کرانے اور میڈیا کارکنوں کو کنٹرول کرنے والے پلیٹ فارم 'سپریم کونسل فار میڈیا ریگولیشن' نے ٹی وی کی دو خواتین میزبانوں بسمہ وهبہ اور یاسمین الخطیب پر پابندی عائد کی ہے کہ وہ کسی بھی ٹی وی چینل یا سوشل میڈیا پر آن ایئر نہیں ہو سکیں گی۔ ان پر یہ پابندی تین ماہ کے لیے لگائی گئی ہے۔ سپریم کونسل فار میڈیا کی طرف سے یہ فیصلہ اس وقت کیا گیا جب دونوں خواتین ٹی وی میزبانوں کی پیشہ ورانہ سرگرمیوں میں قانون کی خلاف ورزیاں سامنے آئیں۔ خاص طور پر سوشل میڈیا پر ان کی پوسٹس اور پیبلیکیشن قابل اعتراض پائی گئیں۔ یہ پوسٹس ان کے ذاتی سوشل میڈیا اکاؤنٹس پر قابل اعتراض قرار دینے کے بعد فیصلہ کیا گیا کہ ان غیر قانونی سرگرمیوں کی وجہ سے انہیں معطل کیا جانا چاہیے۔ میڈیا سپریم کونسل کے مطابق بسمہ وهبہ نے اپنی پوسٹوں میں لبنانی آرٹسٹ پر حملہ کرنے کی کوشش کی کہ اس نے مصریوں کے بارے میں کچھ لکھا تھا۔ یاسمین الخطیب نے پوسٹوں کی ایک مسلسل سیریز کا سوشل میڈیا پر اہتمام کیا جس سے سماجی سطح پر تنازعہ پیدا ہوا۔ ان کی یہ پوسٹیں ایک مبلغ عبداللہ الراشدی کے بارے میں تھیں۔ جنہیں قانون کی خلاف ورزی قرار دے کر یاسمین الخطیب کے بھی آن ایئر ہونے پر تین ماہ کی پابندی لگا دی گئی ہے۔ میڈیا سپریم کونسل کا کہنا ہے کہ یاسمین الخطیب کی کئی پوسٹس ایسی تھیں جو پیشہ ورانہ معیارات کے برعکس تھیں اور ان دعووں کے بھی برعکس تھیں جو وہ کرتی ہیں۔ اسی سال کے شروع میں اس میڈیا سپریم کونسل نے ایک اور خاتون براڈ کاسٹر مھا الصغیر کے بھی میڈیا پر آن ایئر ہونے کو روکنے کے لیے اس پر چھ ماہ کی پابندی لگائی تھی۔ ان پر بھی الزام تھا کہ ان کے میڈیا پر پیش کردہ مواد میڈیا کے پیشہ ورانہ معیارات اور ملکی قوانین کے برعکس ہیں۔ جبکہ کونسل نے مونا الشازلی کو انتباہ کیا تھا جو مھاالصغیر کے ساتھ مختلف پروگراموں میں مل کر براڈکاسٹنگ کرتی تھیں۔

Source: social media