امپھال، 5 اپریل:منی پور کی مختلف تنظیموں کے نمائندہ اتحاد، کوآرڈینیشن کمیٹی فار منی پور انٹیگریٹی ( نے منی پورکے بحران پر نئی دہلی میں ہونے والی بات چیت میں حصہ لینے سے انکار کر دیا ہے۔ کورآرڈنیشن کمیٹی کے ایل جینت نے ہفتہ کے روز کہا کہ مرکزی وزیر داخلہ کے گمراہ کن بیان کو جائز ٹھہرانے کے لئے نئی دہلی میں وزارت داخلہ کے حکام کی طرف سے میٹنگ کا اہتمام کیا گیا تھا۔ انہوں نے کہا کہ کوآرڈنیشن کمیٹی منی پور کی کوکئی اور میتی برادریوں کے درمیان ہونے والی بات چیت میں حصہ نہیں لے گا کیونکہ یہ مسٹر شاہ کے پارلیمنٹ میں دیے گئے گمراہ کن بیان کی توثیق کرنے کی ایک چال ہے کہ منی پور کا بحران محض ایک نسلی تنازعہ ہے جو مبینہ طور پر ہائی کورٹ کی ہدایت کی وجہ سے پیدا ہوا ہے جس میں میتی کو شیڈولڈ ٹرائب کا درجہ دیا گیا ہے۔ یہ الزام لگایا گیا تھا کہ یہ مقدمہ ایک پراکسی جنگ تھا، جسے حکومت نے کوکئی نارکو- دہشت گرد کرائے کے افراد یا گروہوں کے ذریعے جاری رکھا ہے۔ ان کی پرورش حکومت نے 2005 سے سسپنشن آف آپریشن (SOO) معاہدے کے تحت کی ہے۔

Source: uni news