منامۃ کے ہوٹلز حملوں کا ’ہدف‘ ہوسکتے ہیں:بحرین میں امریکی سفارت خانےکی اپنے شہریوں کوہدایت

منامۃ میں امریکی سفارت خانے نے اتوار کے روز شہریوں پر زور دیا کہ وہ بحرین کے دارالحکومت میں ہوٹلز سے گریز کریں کیونکہ یہ حملوں کا ممکنہ ہدف ہو سکتے ہیں۔ جیسا کہ ایرانی حملوں کے دوران کراؤن پلازہ کو نشانہ بنایا گیا تو سفارت خانے نے خبردار کیا ہے۔ "بحرین میں امریکی سفارت خانہ ان مصدقہ اطلاعات کا سراغ لگا رہا ہے کہ یکم مارچ 2026 کو منامۃ کے کراؤن پلازہ ہوٹل پر حملہ ہوا تھا جس کے نتیجے میں لوگ زخمی ہوئے۔ ہم بحرین میں امریکی شہریوں کو مشورہ دیتے ہیں کہ منامۃ کے ہوٹلز آئندہ حملوں کا نشانہ بن سکتے ہیں اور امریکی شہریوں کی حوصلہ افزائی کرتے ہیں کہ وہ ان سے گریز کریں۔" قبل ازیں اے ایف پی کے ایک نمائندے نے دھماکوں کی آوازیں سن کر دیکھا کہ ہوٹل کو نقصان پہنچا۔ ہفتے کے روز منامۃ میں ایرانی حملوں میں رہائشی عمارات ڈرونز اور بادور کے ٹکڑوں کا نشانہ بنیں۔ بحرین کی وزارتِ داخلہ نے ایکس پر ایک پوسٹ میں اس بات کی تصدیق کی کہ ہوٹل کو "نشانہ بنایا گیا جس کے نتیجے میں عمارت کو نقصان پہنچا لیکن کوئی جانی نقصان نہیں ہوا۔"

Source: Social media