ملائیشیا کے سابق وزیراعظم کو 15 سال قید کی سزا

ملائیشیا کے سابق وزیر اعظم نجیب رزاق کو کرپشن ٹرائل میں 15 سال اور بھاری جرمانہ کی سزا سنا دی گئی۔ بین الاقوامی میڈیا رپورٹس کے مطابق نجیب رزاق کو 15 سال اور ایک بھاری 13.5 بلین رنگٹ (2.8 بلین ڈالر) کی سزا سنائی گئی۔ نجیب رزاق کو ریاستی سرمایہ کاری فنڈ میں ملٹی بلین ڈالر کی لوٹ مار میں بندھے ہوئے اپنے سب سے بڑے بدعنوانی کے مقدمے میں سزا کا سامنا ہے۔ ہائی کورٹ نے 72 سالہ نجیب رزاق کو طاقت کے ناجائز استعمال اور منی لانڈرنگ کے 21 الزامات میں قصوروار پایا جس میں 1 ایم ڈی بی فنڈ سے ان کے ذاتی بینک اکاؤنٹس میں700 ملین ڈالر سے زیادہ شامل کرنے کا الزام لگایا گیا تھا۔ ملائیشیا کے سابق وزیر اعظم پر امریکا میں بھی منی لانڈرنگ کے کیسز زیر سماعت ہیں، امریکی حکام کے مطابق ملائیشیا سے ایک ارب ڈالر امریکا میں نجیب رزاق کے مبینہ اکاؤنٹس میں ٹرانسفر ہوئے۔ تحقیقاتی ادارے نے سابق وزیر اعظم کے گھر اور دفاتر میں چھاپے مارے تھے، چھاپے کے دوران 273 ملین ڈالرز برآمد کیے گئے تھے، جن میں 12 ہزار سے زائد زیورات، 423 مہنگی گھڑیاں، مشہور برانڈ کے 234 چشمے اور 567 ہینڈ بیگز ہیں جو سابق وزیر اعظم اور ان کی اہلیہ روسماء منصور کے زیر استعمال تھے۔ واضح رہے کہ ملائیشیا کے وزیر اعظم مہاتیر محمد نے ذمہ داریاں سنبھالتے ہی نجیب رزاق پر سرکاری خزانے سے چار ارب ڈالر کی ہیرا پھیری کے الزام کی تحقیقات کا حکم دیا تھا۔

Source: social media