ہمایوں کبیر انسٹی ٹیوٹ میں تعزیتی نشست

شہر کی قدیم ملی، ادبی اور ثقافتی ادارہ ہمایوں کبیر انسٹی ٹیوٹ میں ادارہ کے سابق سوشل سیکریٹری اور مجلس منتظمہ کے سینئر رکن جناب شہاب الدین احمد کے سانحہُ ارتحال پر انہیں خراج عقیدت پیش کرنے اور ایصال ثواب کے لئے ایک تعزیتی نشست کا انعقاد کیا گیا۔ اس نشست میں حاضرین نے مرحوم کی خوبیوں اور انسٹی ٹیوٹ کے تیُں انکے والہانہ لگاوُ کا ذکر کرتے ہوےُ ان کی جدائی پر اپنے دکھ کا اظہار کیا اور انکی رحلت کو ادارے کا نقصان قرار دیتے ہوےُ ان کی روح کے سکون کے لیُے دعاےُ خیر کی۔ واضح رہے کہ مرحوم پچھلے چند مہینوں سے بیمار چل رہے تھے۔ ان کے پسماندگان میں اہلیہ اور دو بیٹے ہیں۔ بڑا لڑکا امریکہ میں ملازمت کرتا ہے۔ ان کے چھوٹے صاحبزادے معظم جاہ الاحمد اس تعزیتی نشست میں موجود تھے۔ انہوں نے اپنے والد کے تعلق سے اس دعایُیہ مجلس کے اہتمام پر ادارے کا شکریہ ادا کیا۔ ادارے کے سوشل سیکریٹری جناب اکرام حسین نے حاضرین کا شکریہ ادا کرتے ہوےُ اس تعزیتی نشست کے اختتام کا اعلان کیا

Source: social media