مادورو سے اظہار یکجہتی کیلئے ہسپانوی فٹ بال ٹیم کا منفر دانداز

اسپین کی فٹ بال ٹیم مایورکا نے وینزویلا کے صدرنکولس مادورو سے اظہار یکجہتی کیلئے منفرد انداز اختیار کیا۔ وینزویلا کے صدر نکولس مدورو کو امریکی فوج کی طرف سے گرفتار کرنے کے بعد پہنے گئے اسپورٹس سوٹ نے عالمی شہرت حاصل کی اور سوشل میڈیا پر وسیع پیمانے پر پھیل گئی ہے۔ مدورو کو امریکی صدر ڈونلڈ ٹرمپ کی طرف سے شائع کی گئی ایک تصویر میں دیکھا گیا، جس میں وہ مشہور اسپورٹس ویئر کمپنی نائیکی کا لوگو والا گرے سوٹ پہنے ہوئے تھے۔ اسپین کی فٹ بال ٹیم مایورکا نے وینزویلا کے صدرنکولس مادورو سے اظہار یکجہتی کیلئے منفرد انداز اختیار کیا، میچ سے قبل مایورکا کے کھلاڑی سرمئی رنگ کے فلیس ہوڈی ٹریک سوٹ پہن کر میدان میں اترے، جو مادورو کی گرفتاری کے وقت پہنے گئے لباس سے مشابہ تھا۔ مذکورہ ٹریک سوٹ نے سوشل میڈیا پرخاصی توجہ حاصل کی ہے۔ میورکا کے کھلاڑیوں کی طرف سے پہنے جانے والے گرے آؤٹ فٹ میں کچھ سیاہ تفصیلات شامل ہیں سوائے کلب کے لوگو کے جو مدورو کے پہنے ہوئے سوٹ سے مماثلت رکھتی ہیں۔ مدورو کے سوٹ کا جنون صرف اسپین تک محدود نہیں رہا، کیونکہ اسے کچھ ممالک میں اسٹورز میں بڑی مانگ ملی جب کہ باقی اسٹاک کے ختم ہونے کی توقع تھی۔ گوگل سرچ اور آن لائن خریداری میں اضافہ دیکھا گیا، اس جیکٹ کی قیمت تقریباً ایک سو چالیس ڈالر ہے۔پینٹ کی قیمت ڈسکاؤنٹ کے بعد ایک سو دو امریکی ڈالر ہوگئی ہے۔

Source: social media