ہم نے اردن میں امریکی اڈوں کی حفاظت کے لیے ڈرونز بھیجے: زیلنسکی

یوکرین کے صدر وولوڈیمیر زیلنسکی نے ایک بار پھر تصدیق کی ہے کہ ان کا ملک مشرق وسطیٰ میں امریکی اڈوں کی حفاظت کے لیے ڈرونز، خصوصی ٹیمیں اور ماہرین بھیجے گا۔ زیلنسکی نے پیر کے روز نیویارک ٹائمز کے ساتھ ایک انٹرویو میں بتایا کہ یوکرین نے اردن میں امریکی فوجی اڈوں کی حفاظت کے لیے انٹرسیپٹر ڈرونز اور ماہرین کی ٹیم بھیجی۔ انہوں نے مزید کہا کہ امریکہ نے پچھلے جمعرات کو مدد طلب کی تھی اور یوکرینی ٹیم اگلے دن روانہ ہو گئی۔زیلنسکی نے یہ بھی بتایا کہ ماہرین کے جلد ہی مشرق وسطیٰ پہنچنے کی توقع ہے۔ امریکہ نے یوکرینی کم لاگت انٹرسیپٹر ڈرونز کی درخواست شروع کر دی ہے تاکہ وہ ایرانی ڈرونز ''شاہِد'' کا مقابلہ کر سکیں، جیسا کہ پہلے امریکی میڈیا نے بتایا تھا۔ ان میں سب سے اہم ڈرون ''سٹنگ'' ہے، جسے یوکرین کی کمپنی Wild Hornets نے تیار کیا ہے۔ یہ ڈرون خاص طور پر ایرانی شاہد ڈرونز کو روکنے اور تباہ کرنے کے لیے بنایا گیا ہے۔ یوکرینی فوج نے اسے روس کے خلاف جنگ میں بڑی کامیابی کے ساتھ استعمال کیا۔اسی طرح General Cherry Bullet ایک اور مؤثر انٹرسیپٹر ڈرون ہے، جو ایرانی ڈرونز کو ٹریک اور تباہ کرنے کے لیے تیار کیا گیا ہے۔ واشنگٹن نے بھی اسے خریدنے کا امکان زیر غور رکھا ہے۔ مزید برآں Octopus ڈرونز جو خودکش ڈرونز کا پیچھا کر کے انہیں گرانے کے لیے بنائے گئے ہیں، نے بھی امریکی دلچسپی حاصل کی ہے۔یہ تمام ڈرونز میدان جنگ میں آزما چکے ہیں اور کم لاگت والے ہیں۔ 28 فروری سے شروع ہونے والی حالیہ کشیدگی میں ایران نے خلیجی ممالک میں امریکی مفادات اور اڈوں کو نشانہ بناتے ہوئے سیکڑوں نسبتاً کم لاگت والے ڈرونز بھیجے ہیں۔

Source: scoial media