کورونا ویکسین سے بچوں کی ہلاکتوں کا انکشاف، نیویارک ٹائمز

یو ایس فوڈ اینڈ ڈرگ ایڈمنسٹریشن مارٹی ماکاری کا کہنا ہے کہ اعدادو شمار سے پتا چلتا ہے کہ 10 بچوں کی موت کووڈ 19 ویکسینیشن شاٹس کی وجہ سے ہوئی ہے۔ فاکس نیوز کو دیے گئے انٹرویو میں مارٹی ماکاری نے کہا کہ ایسا ظاہر ہوتا ہے کوویڈ شاٹس سے 10 بچوں کی اموات ہوئیں اور یہ وہ ڈیٹا ہے جو بائیڈن انتظامیہ کے دور میں جمع کیا گیا تھا۔ نیویارک ٹائمز نے پہلے بتایا تھا کہ ایف ڈی اے کے ایک میمو سے یہ نتیجہ اخذ کیا گیا ہے کہ ممکنہ طور پر مایکوکارڈائٹس یا دل کی سوزش کے ساتھ کم از کم 10 بچوں کی کووڈ ویکسنیشن کی وجہ سے موت ہوئی۔ صحت کے سکریٹری رابرٹ ایف کینیڈی جونیئر نے کووڈ ویکسینز کے بارے میں حکومتی پالیسی میں تیزی سے تبدیلی کی ہے، جس سے 65 سال یا اس سے زیادہ عمر کے افراد اور سنگین بیماری میں مبتلا لوگوں تک رسائی کو محدود کر دیا گیا ہے۔ کینیڈی، صدر ڈونلڈ ٹرمپ کے تحت ملک کے اعلیٰ صحت کے عہدے پر فائز ہونے سے پہلے ایک طویل عرصے سے انسداد ویکسین کروسیڈر رہے ہیں، انہوں نے بھی ویکسین کو آٹزم سے جوڑ دیا ہے اور ملک کے حفاظتی ٹیکہ جات کے نظام میں تبدیلیاں لانے کا اعلان کیا ہے۔ ٹرمپ کی پہلی میعاد کے دوران جب وبائی بیماری پھوٹ پڑی تو انہون نے اور جو بائیڈن نے بھی زندگی بچانے والی ویکسینز کی بھرپور حمایت کی تھی۔ نیویارک ٹائمز نے کہا کہ ایف ڈی اے کے چیف میڈیکل اینڈ سائنٹیفک آفیسر ونے پرساد کی طرف سے لکھے گئے میمو میں بچوں کی عمریں اور ویکسین بنانے والے شامل نہیں تھے۔ نیو یارک ٹائمز کے مطابق ایف ڈی اے نئے اصول متعارف کرانے پر غور کر رہی ہے جن میں تمام عمر کے گروپس کے لیے رینڈامائز اسٹڈیز لازمی قرار دینے کی تجویز بھی شامل ہے۔

Source: social media