Sports

ابھی تک تو ورلڈ کپ کے لیے میں ہی کپتان ہوں، شاہین آفریدی

10/08/26

پاکستان کے فاسٹ بولر شاہین آفریدی کا کہنا ہے کہ ابھی تک تو ورلڈ کپ کے لیے میں ہی کپتان ہوں۔

نیشنل چیمپئنز کپ کا آغاز کل سے ملتان میں ہورہا ہے جس سے قبل کپتانوں کی جانب سے ٹرافی کی رونمائی کی گئی ہے۔

اس موقع پر میڈیا سے گفتگو کرتے ہوئے شاہین آفریدی کا کہنا ہے کہ ابھی تک تو ورلڈ کپ کے لیے میں ہی کپتان ہوں، ایونٹ سے ورلڈ کپ اسکواڈ بنانے میں آسانی ہوگی۔

نیشنل چیمپئنز کپ میں پہلا میچ پاکستان گرین اور پاکستان وائٹ کے درمیان کھیلا جائے گا۔
پاکستان گرینز کے کپتان شاداب خان بخار کے باعث ٹرافی فوٹو سیشن اور ٹورنامنٹ سے قبل ہونے والی پریس کانفرنس میں شرکت نہیں کر سکے جس کے باعث ان کی جگہ فہیم اشرف نے نمائندگی کی۔

نیشنل چیمپیئنز کپ 11 سے 18 اگست تک جاری رہے گا جس میں پاکستان گرینز، پاکستان وائٹس، پاکستان بلیوز اور پاکستان گولڈ کی ٹیمیں سنگل راؤنڈ رابن فارمیٹ میں ایک دوسرے کے خلاف کھیلیں گی۔

لیگ مرحلے کے اختتام پر پوائنٹس ٹیبل کی سرفہرست 2 ٹیمیں 18 اگست کو کھیلے جانے والے فائنل میں جگہ بنائیں گی۔

چاروں ٹیموں کی قیادت بالترتیب شاداب خان، صائم ایوب، صاحبزادہ فرحان اور شاہین شاہ آفریدی کریں گے۔

Source: Admin