اسرائیل کی جانب یو این سیکریٹری جنرل انتونیو گوتیرس کے ملک میں داخلے پر پابندی پر اقوامِ متحدہ نے ردِعمل دے دیا۔ عرب میڈیا کے مطابق اقوامِ متحدہ نے اسرائیلی پابندی کو یو این اسٹاف پر ایک اور حملہ قرار دے دیا۔ واضح رہے کہ گزشتہ روز اسرائیلی وزیرِ خارجہ نے کہا تھا کہ اقوامِ متحدہ کے سیکریٹری جنرل انتونیو گوتیرس کو ملک میں داخلے سے روک دیا ہے۔ اسرائیلی وزیرِ خارجہ نے کہا تھا کہ اقوامِ متحدہ کے سیکریٹری جنرل انتونیو گوتیرس کو اسرائیل پر ایران کے بڑے میزائل حملے کی واضح طور پر مذمت کرنے میں ناکامی پر اسرائیل میں داخل ہونے سے روک رہے ہیں۔ دوسری جانب لبنان میں زمینی کارروائی کے لیے اسرائیل نے جولانی بریگیڈ بھیجنے کا فیصلہ کر لیا۔ وال اسٹریٹ جرنل کے مطابق حزب اللّٰہ سے بڑے جانی نقصان کے بعد اسرائیل کی جانب سے جولانی بریگیڈ بھیجنے کا فیصلہ کیا گیا ہے۔ وال اسٹریٹ جرنل کا کہنا ہے کہ جولانی بریگیڈ سخت ٹریننگ اور 1973ء کی جنگ میں کامیاب کارروائی سے جانی جاتی ہے۔ واضح رہے کہ منگل کو ایران نے اسرائیل پر سیکڑوں بیلسٹک میزائل داغے ہیں۔

Source: Social Media