جوہری معاہدے تک پہنچنے کیلئے تمام ضروری اقدامات کرنے کو تیار ہیں: ایرانی نائب وزیر خارجہ

ایران کے نائب وزیر خارجہ ماجد تخت روانچی نے کہا ہے کہ ایران جوہری معاہدے تک پہنچنے کے لیے تمام ضروری اقدامات کرنے کےلیے تیار ہے۔ ایک انٹرویو میں ایران کے نائب وزیر خارجہ کا کہنا تھا کہ ایران جلد از جلد امریکا کے ساتھ معاہدے پر پہنچنے کے لیے تیار ہے۔ واضح رہے کہ ایران اور امریکا کے درمیان عمان کی ثالثی میں منگل کو سوئٹزرلینڈ میں بالواسطہ مذاکرات کا دوسرا دور ختم ہوا ہے اور اب جمعرات کو مذاکرات کا نیا دور شروع ہونے والا ہے۔ اس سے قبل ایران نے امریکا کی جانب سے ملنے والی دھمکیوں پر اپنے ردِ عمل میں کہا تھا کہ امریکا کے کسی بھی حملے کا سخت جواب دیا جائے گا۔ جنیوا میں جمعرات کو امریکا اور ایران کے درمیان مذاکرات دوبارہ شروع ہونے والے ہیں اور اس سے پہلے امریکی صدر ٹرمپ نے ایک بار پھر کہا تھا کہ اگر ڈیل نہیں ہوئی تو یہ ایران کے لیے بہت برا دن ہو گا۔ علاوہ ازیں امریکا نے مشرقِ وسطیٰ میں ایران پر دباؤ ڈالنے کے لیے فوجیں تیار کر لی ہیں۔

Source: social media