Article | Akhbar-e-mashriq

International

غزہ میں اسرائیل نے جارحیت جاری رکھی تو پابندیاں لگائیں گے: فرانس، برطانیہ، کینیڈا کا اعلان

کینیڈا، فرانس اور برطانیہ نے کہا ہے کہ غزہ میں اسرائیل نے جارحیت جاری رکھی تو اس پر پابندیاں لگائیں گے۔ اسرائیل پر بڑھتے ہوئے عالمی دباؤ کے باوجود غزہ میں اسرائیلی بمباری سے 50 فلسطینی شہید ہوگئے۔ غیر ملکی میڈیا کے مطابق برطانیہ، فرانس اور کینیڈا کے رہنماؤں نے اسرائیلی بربریت کو انسانی حقوق اور بین الاقوامی قوانین کی کھلی خلاف ورزی قرار دیتے ہوئے پابندیاں لگانے کا عندیہ دیا۔ دوسری جانب اقوام متحدہ کے انسانی امداد کے ادارے کے سربراہ ٹام فلیچر نے بتایا کہ غزہ میں جو امداد پہنچائی گئی ہے وہ آٹے میں نمک کے برابر ہے اور مزید پہنچانے کی فوری ضرورت ہے۔ غزہ میں جنگ شروع ہونے کے بعد سے اسرائیل اب تک 53 ہزار سے زائد فلسطینیوں کو شہید کرچکا جبکہ ایک لاکھ 21 ہزار سے زائد افراد زخمی ہوئے۔ فلسطینی حکومتی ذرائع کے مطابق 61 ہزار 700 افراد اس جنگ میں لاپتہ ہوئے جس کے بعد مرنے والوں کی تعداد میں اضافہ ہونے کا امکان ہے۔

Source: social media