سابق اسرائیلی جرنیلوں نے اسرائیلی حکومت پر مغربی کنارے میں غیر قانونی قابضین کے تشدد کی پشت پناہی کرنے کا الزام عائد کیا ہے۔

اپنے بیان میں سابق اسرائیلی جرنیلوں نے کہا کہ اصل خطرہ قابضین کی کارروائیاں ہیں، ایران یا غزہ نہیں۔

ان کا کہنا تھا کہ یہ قانون شکنی اسرائیل کی جمہوریت کے وجود کے لیے خطرہ ہے، مسلح قابضین گھروں، مساجد اور دیہات کو آگ لگارہے ہیں۔

اقوام متحدہ کے اعداد و شمار کے مطابق رواں سال 3200 سے زائد فلسطینی قابضین کے حملوں میں بے گھر ہوئے۔