بلرامپور:08جولائی: اترپردیش کے ضلع بلرامپور میں ضلع انتظامیہ نے غیر قانونی تبدیلی مذہب واقعہ کے ملزم جمال الدین عرف چھانگر بابا کی کوٹھی کو بلڈوزر سے نیست و نابود کردیا۔ ڈی ایم پون اگروال نے منگل کو بتایا کہ تبدیل مذہب سمیت کئی کالے کارناموں کا ماسٹر مائنڈ جمال الدین عرف چھانگر بابا کی اترولہ تحصیل میں تین بیگھے میں بنی کروڑوں کی عالیشان کوٹھی کو بلڈوزر سے گرایا جارہا ہے۔ جمال الدین کو اے ٹی ایس نے گرفتار کیا تھا۔ جانچ کے بعد ملزم پائے گئے خودکار پیر کی املکا پر شکنجہ کسنے کے ساتھ چھانگر بابا کی سبھی منقولہ۔غیر منقولہ املاک کی تفصیل دستیاب کرائی گئی جس میں کئی املاک نگر علاقے اور دیہات میں اس کے اور رشتہ داروں کے نام پر ملی ہیں۔ان کی ضبطی کی کاروائی کی جارہی ہے۔ اے ٹی ایس کے ذریعہ ملزم بابا سانگ گرفتار کی گئی نصرین عرف نیلو کی املاک کو بھی ضبط کیا جارہا ہے۔ انہوں نے بتای اکہ بابا کے جھانسے میں تبدیل مذہب کر پھنسی نیتو بھی تبدیلی مذہب میں مددگار تھی۔یوپی ایس ٹی ایف نے لکھنؤ میں تقریبا آٹھ ماہ قبل ملزم بابا کے خلاف مقدمہ درج کیا گیا تھا۔ جس میں دو لوگوں کو نامزد کیا گیا تھا۔ ان میں کئی ملزمین کو اے ٹی ایس گرفتار کرچکی ہے۔ اگروال نے کہا کہ 40 مذہبی اداروں کے قیام کے نام پر بابا کو تقریباً 100 کروڑ روپے دیے گئے۔ انہوں نے کہا کہ سی جی ایم کورٹ کے کلرک راجیش اپادھیائے اور ان کی بیوی سنگیتا کے خلاف بھی سخت کارروائی کی جا رہی ہے جو کہ منظر عام پر آئے ہیں۔ غیر قانونی تبدیلی کرنے والے گروہ کا نیٹ ورک مہاراشٹر تک پھیلا ہوا ہے۔ ان کے نام جلال الدین عرف جھنگر بابا، محبوب، نیتو عرف نسرین، نوین عرف جمال الدین کے ساتھ ہی محمد سوراج،رشید، گیڈاس بزرگ تھانہ علاقے کے ریہرا معافی باشندہ شہاب الدین، گونڈہ کے گانے پور تھانہ علاقے کے ریتوا گاڑا باشندہ رمضان،مہاراشٹر کے ناگپور شہر کے مانگپور باشندہ عیدالاسلام و ایک نامعلوم کا نام شامل ہے۔ اے ڈی ایس کا دعوی ہے کہ اعظم گڑھ میں بھی ایک مقدمہ چھانگر کے معاونین پر درج ہے۔ یہی نہیں اب نامزد کے علاوہ آٹھ دیگر لوگ بھی ملزم بنائے گئے ہیں۔ اس طرح 18 میں چار ہی گرفتاری ہوپائی ہ۔ 14 لوگوں کی تلاش کے لئے اے ٹی ایس نے الگ الگ ٹیمیں بنائی ہیں۔ جو ممکنہ ٹھکانوں پر چھاپے ماری کررہی ہے۔

Source: social media