سہارنپور:29مئی:اترپردیش کے ضلع سہارنپور کے قطب پور کسینی میں معصوم کا اس کی دادی نے منھ دبا کر اور بلیڈ سے گلا ریت کر قتل کردیا۔پولیس نے جب دادی سریتا سے پوچھا کی پوتی کو کیسے اور کیوں مارات و اس نے بتایا کہ وہ کئی دنوں سے اس کی منصوبہ بندی کررہی تھی۔ وہ بہو کو پھنسانا چاہتی تھی۔ آج علی الصبح تقریبا چار بجے جب اسے لگا کہ سب سورہے تھے تب بلیڈ اٹھایا اور چارپائی پر آکر سب سے پہلے پوتی کا منھ دبایا اس کے بعد دھیرے سے بلیڈ سے گلا ریت دیا۔ منھ تب تک دبا کر رکھا جب تک معصوم اشیکا کی سانسیں نہیں رک گئیں۔ دن نکلنے پر جب اشیکا کی ماں شیوانی نے اسے خون سے لت پت دیکھا تب ملزم دادی نے ایسا برتاو¿ کیا کہ جیسے شیوانی نے ہی اپنی بچی کا قتل کردیا ہو۔ پولیس کے سامنے بھی شیوانی پر سنگین الزام لگائے ۔ بچی کی ماں نے دی تحریر میں بتایا کہ سسر نے بلیڈدیا، نند کھڑی دیکھ رہی تھی اور ساس نے گلا کاٹ دیا۔ اشیکا کے چچاروہت نے بتایا کہ وہ پانچ بھائی ہیں۔ راجن تیسرے نمبر کا بھائی ہے ۔ ابھی دو سال قبل ہی اس کی شادی ہوئی تھی۔ اشیکا پہلی اولا د تھی۔کیرل میں سیلون چلانے کی وجہ سے راجن کئی کئی ماہ میں گھر آتا ہے ۔

Source: Uni News