مغربی بنگال ضلع هگلی کے بانسبیڑیا (ماسٹر کالونی) سے تعلق رکھنے والی شگفتہ پروین بنت پرویز عالم نے UGC NET دسمبر 2024 کے امتحان میں جغرافیہ جیسے اہم مضمون میں اسسٹنٹ پرفیسر و جونئیر ریسرچ فیلوشپ (JRF) آل انڈیا رینک 3 حاصل کرکے اپنے والدین، خاندان و علاقے کا نام روشن کر دکھایا ہے۔ ان کے اس نمایاں کامیابی پر انکے والدین جن کا تعلق متوسط طبقہ سے ہے، بہت خوش نظر آرہے ہیں ۔ ان کی یہ کامیابی ملت کی ان تمام لڑکیوں کے لئے تحریک ہے جو اپنے تعلیم کے ذریعہ اپنا مستقبل تابناک بنانا چاہتی ہیں۔ واضح ہو کہ ٹیوشن کے ذریعہ اپنے اخراجات کو برداشت کرتے ہوئے انہوں نے اعلیٰ تعلیم حاصل کی اور اب اتنی بڑی کامیابی بھی حاصل کر لی ہیں ۔ ماضی کے انکے کارنامے ان کی ہونہار ہونے کی دلیل ہے ۔ انہوں نے اپنی ابتدائی تعلیم بانسبیڑیا آئی ایم ہائی مدرسہ سے حاصل کرتے ہوئے BSC و MSC (جغرافیہ) کے ساتھ ساتھ BED کی تعلیم بھی حاصل کر رکھی ہے۔ اہلیتی امتحانات پر اگر نظر ڈالی جائے تو مغربی بنگال اسٹیٹ ایلجیبلٹی ٹیسٹ (SET) برائے اسسٹنٹ پرفیسر ، بہار TET و CTET کی اہلیتی سند سے بھی اللہ نے انکو نوازا ہے ۔یہ ایک ہونہار طالبہ ہونے کے ساتھ ساتھ ایک بہترین مصنفہ بھی ہے جن کی تصنیف شدہ ہائر سیکنڈری جغرافیہ کتاب بذریعہ عفّان پبلیکیشنز (کولکاتا) سے مغربی بنگال کے بیشتر طلباء استفادہ حاصل کر رہے ہیں۔ اللہ انہیں مزید کامیابیوں سے نوازے اور اعلیٰ عہدہ پر فائز کرے آمین ۔

Source: Social Media