ایران میں بچیوں کے اسکول پر حملہ امریکی میزائل سے ہوا، ٹرمپ کا دعویٰ غلط: نیویارک ٹائمز

نیویارک، 9 مارچ : نیویارک ٹائمز نے ایران میں بچیوں کے اسکول پر حملے سے متعلق ڈونلڈ ٹرمپ کے دعوے کو غلط قرار دیا ہے ۔ نیویارک ٹائمز کی تحقیق میں بتایا گیا ہے کہ اسکول پر امریکی میزائل گرا، جس کے نتیجے میں 160 سے زائد بچیوں کی موت ہوئیں۔ سیٹلائٹ تصاویر، سوشل میڈیا پوسٹس اور دیگر ویڈیوز سمیت مختلف شواہد اور بحری اڈے پر ٹوما ہاک میزائل گرنے کی ویڈیو کے تجزیے سے ماہرین نے کہا کہ ایلیمنٹری اسکول کو اسی وقت نقصان پہنچا جب پاسداران کے بحری اڈے کو نشانہ بنایا جا رہا تھا۔ واضح رہے کہ اس سے قبل امریکی صدر ڈونلڈ ٹرمپ نے دعویٰ کیا تھا کہ میرے خیال میں اسکول پر حملہ ایران کی جانب سے کیا گیا تھا۔ صحافیوں سے گفتگو میں انہوں نے کہا کہ ایران کے ہتھیار اکثر درست نشانہ نہیں لگاتے اور امریکہ اس حملے میں شامل نہیں تھا۔ ڈونلڈ ٹرمپ نے بغیر کسی ثبوت کے کہا کہ میرے خیال میں اور جو میں نے دیکھا ہے اس کے مطابق یہ حملہ ایران نے ہی کیا ہے ۔ یادرہے کہ نیویارک ٹائمزسے پہلے برطانوی نشریاتی ادارہ بی بی سی بھی اس کی تصدیق کرچکا ہے ۔

Source: UNI NEWS