اسرائیل کے صومالی لینڈ کو تسلیم کرنے پر سلامتی کونسل کا ہنگامی اجلاس طلب

نیویارک، 28 دسمبر: اسرائیل کی جانب سے صومالی لینڈ کو تسلیم کرنے کے اقدام پر اقوامِ متحدہ کی سلامتی کونسل کا ہنگامی اجلاس طلب کر لیا گیا ہے ۔ عرب میڈیا کے مطابق صومالیہ کی درخواست پر سلامتی کونسل کا یہ ہنگامی اجلاس پیر کے روز منعقد ہوگا، جس میں اسرائیلی فیصلے کے خطے پر اثرات کا جائزہ لیا جائے گا۔صومالیہ کی درخواست پر اقوام متحدہ سلامتی کونسل کا ہنگامی اجلاس پیر کو طلب کر لیا گیا۔ اس سے قبل اسرائیل کی جانب سے صومالی لینڈ کو تسلیم کرنے پر اسلامی ممالک کا مذمتی مشترکہ اعلامیہ جاری کردیا گیا۔ اعلامیے میں کہا گیا کہ اسرائیل کا صومالی لینڈ کو تسلیم کرنا بین الاقوامی قانون کی کھلی خلاف ورزی ہے ، صومالیہ کی وحدت اور علاقائی سالمیت کو نقصان پہنچانے والا کوئی اقدام قبول نہیں، اسرائیلی اقدام افریقہ کے ہارن اور بحیرہ احمر کے امن کے لیے سنگین خطرہ ہے ۔ او آئی سی وزرائے خارجہ کے مشترکہ اعلامیہ میں پاکستان، فلسطین، قطر، سعودی عرب، صومالیہ، سوڈان شریک، سعودی عرب نے بھی صومالی سرزمین پر نئے ملک کا قیام تسلیم کرنے کا اسرائیلی اعلان مسترد کردیا۔ صومالیہ کی خود مختاری، یک جہتی، علاقائی استحکام کی مکمل حمایت کی گئی۔ عرب لیگ، خلیج تعاون کونسل، افریقی یونین، یورپی یونین سمیت متعدد ممالک نے بھی اسرائیلی اقدام کی مذمت کی ۔

Source: uni news