آنجہانی چندرناتھ کی والدہ ہاسیرانی نندی گرام کے ضمنی چناﺅ لڑیں گی
تمام قیاس آرائیوں کو سچ ثابت کرتے ہوئے آخرکار نندی گرام ضمنی انتخاب میں بی جے پی کی جانب سے وزیرِ اعلیٰ شوبھندو ادھیکاری کے پی اے یعنی آنجہانی چندرناتھ رتھ کی والدہ ہاسیرانی رتھ انتخاب لڑیں گی۔ وہ آج یعنی منگل کو اپنا نامزدگی فارم داخل کریں گی۔ اس سے پہلے ہی منگل کو ہلدیا میں شوبھندو نے ہاسیرانی رتھ کو اپنے ساتھ رکھتے ہوئے ایک جلسہ کیا۔ نندی گرام کے عوام سے خطاب کرتے ہوئے انہوں نے کہا، ”سب کے لیے چھت، روٹی اور روزگار میرا عہد ہے۔“ اپنی جیت کو یقینی قرار دیتے ہوئے شوبھندو نے کہا، ”میں جانتا ہوں کہ الیکشن کیسے لڑا جاتا ہے، اتنے بڑے مارجن سے بی جے پی جیتے گی، یہ کسی نے نہیں سوچا تھا۔ اس بار بھی ہم ایسے ہی مارجن سے جیتیں گے، یہ بھی کوئی سوچ نہیں سکتا۔“
2026 کے اسمبلی انتخابات میں وزیرِ اعلیٰ شوبھندو ادھیکاری نندی گرام اور بھوانی پور، دونوں حلقوں سے کامیاب ہوئے تھے۔ ضابطے کے مطابق انہیں ایک نشست چھوڑنی تھی۔ شوبھندو نے اپنے مضبوط سیاسی گڑھ نندی گرام کی نشست چھوڑ دی۔ اس کے نتیجے میں یہ حلقہ رکنِ اسمبلی سے خالی ہوگیا۔