اردوان پھر صدر بن رہے ہیں؟

ترکیہ میں حکمران جماعت جسٹس اینڈ ڈیویلپمنٹ (اے کے) پارٹی نے صدر رجب طیب اردوان پر بھرپور اعتماد کا اظہار کرتے ہوئے کہا ہے کہ انہیں عوام کی خدمت جاری رکھنی چاہیے۔ جیسا کہ اپوزیشن قبل از وقت انتخابات کے لیے زور دے رہی ہے جس پر اردوان نے اشارہ دیا ہے کہ وہ 2028 کے انتخابات میں دوبارہ حصہ لینے کا ارادہ رکھتے ہیں۔ ایردوان کی جسٹس اینڈ ڈیولپمنٹ پارٹی (اے کے پارٹی) کا کہنا ہے کہ صدر کو "عوام کی خدمت” جاری رکھنی چاہیے۔ اے کے پارٹی کے نائب سربراہ احمد بیوکگمش نے اتوار کو براڈکاسٹر کنال 7 کو انٹرویو دیتے ہوئے کہا کہ اردوان کو صدارت کے لیے نامزد کیا جانا چاہیے اور قبل از وقت انتخابات تکنیکی طور پر صرف اسی صورت میں ممکن ہیں جب پارلیمنٹ 360 قانون سازوں کے ووٹوں سے اس پر فیصلہ کرے۔ اے کے پارٹی کے عہدیداروں نے پہلے کہا تھا کہ انتخابات کی منصوبہ بندی اصل تاریخ سے چند ماہ قبل کی جا سکتی ہے تاہم اس سال یا اگلے سال نہیں، جیسا کہ مرکزی اپوزیشن نے مطالبہ کیا تھا۔ ترکی کے موجودہ انتخابی قانون کے تحت، اگلے عام انتخابات مئی 2028 میں شیڈول ہیں جبکہ بلدیاتی انتخابات مارچ 2029 میں ہونے والے ہیں۔ قبل از وقت انتخابات کی منظوری صرف پارلیمنٹ ہی دے سکتی ہے۔ اے کے پارٹی اوراس کی اتحادی نیشنلسٹ موومنٹ پارٹی (MHP) کی قبل از وقت انتخابی کال کے لیے درکار اسمبلی میں اراکین کی مطلوبہ تعداد سے کم ہے۔ انتخابات کو دوبارہ ترتیب دینے سے اردوان کی صدارت کے لیے اہلیت کی راہ بھی ہموار ہو جائے گی اگر وہ 2023 کے انتخابات میں شروع ہونے والے اپنے دورِ اقتدار کو ختم کرنے سے پہلے نامزد کر دیتے ہیں۔ مرکزی اپوزیشن ریپبلکن پیپلز پارٹی (CHP) قبل از وقت انتخابات کی حامی ہے اور، ایک موقع پر، 2026 کے موسم بہار میں ووٹ کے انعقاد کا مطالبہ کیا ہے۔

Source: social media