انڈونیشیا کا غزہ میں 8 ہزار فوجی بھیجنے کو تیار

انڈونیشیا کا کہنا ہے کہ وہ غزہ میں 8000 فوجی بھیج سکتا ہے۔ صدر پرابوو سوبیانتو کے ترجمان کے مطابق غزہ کے لیے ایک مجوزہ کثیر القومی امن فوج کل 20,000 فوجیوں پر مشتمل ہو سکتی ہے اور انڈونیشیا کا اندازہ ہے کہ وہ 8,000 فوجی بھیج سکتا ہے۔ ترجمان نے مزید کہا کہ کسی تعیناتی کی شرائط یا آپریشن کے علاقوں پر اتفاق نہیں کیا گیا ہے۔ پرابوو کو اس ماہ کے آخر میں ٹرمپ کے بورڈ آف پیس کے پہلے اجلاس کے لیے واشنگٹن مدعو کیا گیا تھا۔ پچھلے سال، انڈونیشیا نے غزہ امن فوج کے لیے 20,000 فوجیوں کی تعیناتی کے لیے تیار رہنے کا عہد کیا تھا وہ تعیناتی کی تصدیق سے قبل فورس کے مینڈیٹ کے بارے میں مزید تفصیلات کا انتظار کر رہا ہے۔ صدارتی ترجمان پراسیتیو ہادی نے صحافیوں کو بتایا کہ ’’ہم صرف اس صورت میں خود کو تیار کر رہے ہیں کہ کوئی معاہدہ طے پا جائے اور ہمیں امن فوج بھیجنی پڑے‘‘۔ انہوں نے مزید کہا کہ انڈونیشیا کی جانب سے بورڈ کی مستقل رکنیت کے لیے 1 بلین ڈالر کی ادائیگی سے قبل بات چیت ہوگی۔

Source: social media