اماراتی حکومت نے خوراک کی فراہمی کیلئے متبادل سپلائی چین فعال کردی

اماراتی حکومت نے خوراک کی فراہمی کے لیے متبادل سپلائی چین فعال کر دی۔ حکام کے مطابق شارجہ کے خورفکان اور فجیرہ پورٹس سے غذائی اشیاء کی درآمد بڑھانے کا منصوبہ بنایا گیا ہے۔ فجیرہ پورٹ بھی آبنائے ہرمز کے دباؤ سے نسبتاً محفوظ راستہ فراہم کرتی ہے، آبنائے ہرمز کی صورتِ حال کے پیش نظر متبادل سمندری راستے استعمال کیے جا رہے ہیں۔ حکام کا کہنا ہے کہ خورفکان پورٹ سے خوراک اور تجارتی سامان کی ترسیل میں اضافہ متوقع ہے، فجیرہ بندرگاہ کے ذریعے ملک بھر کو غذائی اشیاء کی فراہمی یقینی بنائی جا رہی ہے۔ اماراتی ایئر کارگو کے ذریعے ہنگامی بنیادوں پر خوراک کی فضائی ترسیل کا بھی آغاز کر دیا گیا ہے، ہائپر مارکیٹس نے خوراک کی فراہمی کے لیے کارگو طیارے کرائے پر لے لیے ہیں۔ حکام نے کہا کہ ابوظبی کے پاس ایئر کارگو کا عالمی فضائی مال بردار نیٹ ورک موجود ہے، بحران کے دوران کارگو پروازوں سے ضروری اشیاء کی فوری فراہمی یقینی بنائی جا رہی ہے۔

Source: social media