ٹیمبا باووما کی کلدیپ یادیو کے پاس جاکر وکٹ کا جشن منانے کی ویڈیو وائرل

جنوبی افریقا کے کپتان ٹیمبا باووما کی کلدیپ یادیو کے پاس جاکر وکٹ کا جشن منانے کی ویڈیو وائرل ہوگئی۔ بھارت کی جانب سے کلدیپ یادیو کو گزشتہ روز نائٹ واچ مین بھیجا گیا تھا آج صبح ان کی پہلی وکٹ گری تو ٹیمبا باووما نے ان کے قریب جاکر جارحانہ انداز میں جشن منایا۔ ایڈن گارڈز ٹیسٹ ہارنے کے بعد بھارت جنوبی افریقا کے خلاف دوسرے ٹیسٹ میں فائٹ بیک کے لیے بے چین تھا لیکن ٹیمبا باووما الیون نے ان کی امیدوں کو چکنا چور کردیا۔ جنوبی افریقا کو بھارت کو ہوم گراؤنڈ پر ٹیسٹ سیریز میں وائٹ واش کردیا۔ بھارت کی ٹیم 549 رنز کے تعاقب میں 140 رنز پر ڈھیر ہوگئی، رویندرا جڈیجا 54 رنز بنا کر نمایاں رہے، جنوبی افریقا کی جانب سے سائمن ہارمر 6 کھلاڑیوں کو پویلین کی راہ دکھائی، کیشو مہاراج نے دو وکٹیں حاصل کیں۔ سائی سدھرسن اور کلدیپ یادیو نے تیسری وکٹ کی شراکت میں بیٹنگ کا آغاز کیا اور دونوں نے مل کر 100 گیندوں کھیلیں لیکن چند رنز ہی بناسکے، بھارت کے حد سے زیادہ دفاعی رویہ اپنانے کے بعد سائمن ہارمر کلدیپ یادیو کی وکٹ لی۔ کلدیپ یادیو کے بولڈ ہونے پر کپتان ٹیمبا باووما جو مڈ آف میں فیلڈنگ کررہے تھے اچھل پڑے اور کلدیپ کے پاس جاکر جارحانہ انداز میں جشن منایا۔

Source: social media