ٹی-20 ورلڈ کپ: سری لنکا نے آئرلینڈ کو 20 رن سے ہرا دیا

کولمبو، 08 فروری: کوسل مینڈس (56 ناٹ آوٹ) اور کامنڈو مینڈس (44) کی شاندار ببلے بازی کے بعد مہیش تیکشنا اور ونیندو ہسرنگا کی تباہ کن گیند بازی (تین تین وکٹیں) کی بدولت سری لنکا نے اتوار کو ٹی-20 ورلڈ کپ کے چھٹے مقابلے میں آئرلینڈ کو 20 رنز سے شکست دے دی۔ 164 رنز کے ہدف کا تعاقب کرنے والی آئرلینڈ کی ٹیم کا آغاز اچھا نہ رہا اور محض 54 رنز کے مجموعی اسکور تک اس کے دو کھلاڑی پویلین لوٹ گئے ۔ کپتان پال اسٹرلنگ (6) اور راس ایڈیر 23 گیندوں پر 34 رنز بنا کر آوٹ ہوئے ، انہوں نے اپنی اننگز میں پانچ چوکے اور ایک چھکا بھی لگایا۔ اس کے بعد ہیری ٹیکٹر اور لورکن ٹکر کی جوڑی نے تیسری وکٹ کے لیے 49 رنز جوڑ کر ٹیم کو سنبھالا۔ 15ویں اوور میں دونیت ویلالگے نے لورکن ٹکر (21) کو آوٹ کر کے اس شراکت کا خاتمہ کیا۔ اس کے بعد آئرلینڈ کی ببلے بازی سری لنکن گیند بازی کے سامنے لڑکھڑا گئی۔ کرٹس کیمفر (13) اور بین کیلٹز صرف 4 رنز بنا کر آوٹ ہوئے ۔ سری لنکن گیند بازوں نے آئرلینڈ کی پوری ٹیم کو 19.5 اوورز میں 143 رنز پر ڈھیر کر کے 20 رن سے فتح حاصل کر لی۔

Source: UNI NEWS